「東亞戀」發展至今已經4個月,兩個經常不避嫌去街拍拖,早排又俾人發現去信義區飲咖啡,拍拖拍得光明 正大。
上個禮拜柯震東嚟香港出席時裝活動,自爆後腦生瘤,6月會入院做切除手術。話晒要開刀,就算check到係脂肪瘤,柯震東心情似乎冇咩異樣,仲同記者講個瘤只係一個「小玩具」,拍《那些年》已經發現,只係拖到而家先嚟動手術。


唔知係咪有愛情滋潤嘅人,就算有病,心情都會特別靚,事關柯震東同蕭亞軒嘅「東亞戀」愈來愈浮面,有傳兩個夜晚會出街拍拖踩單車,柯震東亦响微博留言話:「最近的每天都在騎腳踏車!白天、晚上、清晨都在騎真是太舒服了!」相差12年,一直避談「東亞戀」嘅蕭亞軒,終於表明立場唔排斥「姊弟戀」,仲大讚小男友為人「很真、誠懇,又孝順」,柯震東更加响手術前,約女朋友出街飲咖啡,見少一面都唔得。 ####


(台灣《蘋果日報》圖片)


嚟香港出席品牌活動,模Anjaylia陳嘉寶成晚含情望實柯震東,可惜男方完全唔過電。

stacylife 發表在 痞客邦 留言(0) 人氣()