關仁隱事:「喂喂」遇過癮記者笑爆 關仁

 

 
「藍天」同老婆「喂喂」新婚冇幾耐,個愛巢就俾人爆格,都算唔好彩,不幸中之大幸就係當時冇人喺屋企,所以只係財物損失,最緊要係人冇事,嗰晚佢哋返到屋企都有大把嘢要處理,搞到半夜至有得休息。藍天同喂喂喺圈中人緣好,自然收到好多朋友嘅慰問電話,不過最好笑係有個記者打電話畀喂喂,猛問番佢俾人爆格嘅感受同損失嘅情況,但講講吓竟然同喂喂講,如果下次再遇到呢啲情況,記得第一時間通知喎!喂喂聽到都唔知好嬲定好笑,唔係嘛?仲有下次?同埋遇到事故,都應該係第一時間報警,唔係通知記者囉!撰文:關仁

    全站熱搜

    stacylife 發表在 痞客邦 留言(0) 人氣()