暗豎中指無品 30歲嘅Britney當日又露腰又短褲,着到成個妹咁,連行徑都幼稚到極。佢右手嗰隻中指,盲嘅都睇到,夠guts 咪舉高啲囉。

出得嚟行,預咗要還。做明星就係咁㗎啦。理你去街shopping、食飯、吹水都好,總會有一兩個狗仔隊「隨身」。作為明星,俾你影係人情唔俾你影係道理,媽咪姐絕對尊重。唔想俾人影嘅,咪開聲囉,毋須學兩位天后咁,一個匿埋蒙面一個豎中指咁無品嘅。

Britney低調舉中指
美國樂壇天后Britney Spears最近被斟洽為真人騷《The X Factor》擔任評判,相傳酬勞高達1千5百萬美金,天后果然係天后。只可惜,有天后咁嘅身價冇天后咁嘅風範。周日(6日),Britney跟朋友去海灘小屋疏乎。見到狗仔隊竟然毫無反應,連眼尾都冇睄一下。以為天后轉死性?錯嘞!當Britney行經狗仔隊時,右手原來一直做緊粗口手勢。天后冇品,原來就係咁。

 

Miley蒙面入油
童星出身嘅小天后Miley Cyrus亦唔好得去邊。上周二(1日),Miley去油站入油。當日佢着通花上衣襯leggings,打扮相當正常。不過唔知佢發咩神經,突然攞件大褸遮面,邊遮邊入油。俗語有云:「醜人多八怪」,多謝Miley正確示範。 ####


玩人哋個B Britney跟前夫育有兩子, 當日兩子未見蹤影, 不過Britney貪順手,抱咗朋友個B玩。


無儀態喪笑可能請完狗仔隊食中指,Britney心情變得大靚,喺露台同朋友大笑。


咁陰濕冇品嘅嘢,係我先做到。(設計對白)


好叻咩!我冇嚟大體一樣好高難度!(設計對白)


當初任影唔嬲 Miley一早被人影咗全相, 冇化妝,素顏嘅佢,無乜大問題吖。


後來怕醜蒙面轉個頭,Miley竟然攞件褸遮頭,邊遮邊入油,何其怪相。何況遮得上身又遮唔到下身,都唔知佢遮嚟做乜。

    stacylife 發表在 痞客邦 留言(0) 人氣()