呢架橙色狗狗車,加埋Grace個草帽「超」人look,媽咪姐喺街尾已經認得佢。無做幕前好耐嘅郭太生活雖單調,但外形就keep住高調。

Swing成員Eric Kwok(郭偉亮)舊年11月喺紅館個唱度,突然向拍拖11年嘅女友葉佩雯(Grace)跪地求婚,仲搵埋律師同好友上台見證簽紙,娛樂圈立即多咗個郭太!

 
數數手指,兩公婆已經結婚近半年。早幾日媽咪姐就見到Eric Kwok專登車有晒「巨星」造型嘅老婆去跑馬地買蛋撻,之後自己就去買魚蛋粉,寄信,跟手過埋銀行提款。呢幾款指定動作,媽咪姐其實見過N次,因為無論婚前婚後,Eric都錫晒阿Grace,乜都唔使佢操勞。不過,郭生郭太都二人世界咗11年,係時候要「搞出人命」,生個B湊吓,等各位讀者多啲「新嘢」睇囉! ####

 


對比老婆,Eric Kwok拎住外賣魚蛋粉,十足十外賣仔一樣,親民指數爆燈。


睇吓攞住封信嘅Eric Kwok個頭幾咁隨意!睇嚟結咗婚嘅男人,真係鬆懈啲。

    stacylife 發表在 痞客邦 留言(0) 人氣()