盛女揸槍作戰 三級篤射

 

盛女Bonnie人氣越嚟越高,連SCEH搞嘅射擊Game巡禮,都搵佢過嚟「試射」。盛女盛男唔怕剩,皆因五月PS三大射擊勁Game陸續出籠陪住你,打頭陣有PS Vita期待已久嘅《Resistance》,外星敵人樣衰兼核凸,恨不得亂槍爆佢頭兼斷佢手,畫面暴力血腥,難怪遊戲被列為18禁!

記者:許福合
攝影:江紹文

18禁血腥畫面
《Resistance》系列屬PS3王牌射擊大作,續作轉場在PS Vita推出,滿足晒粉絲隨時隨地上戰場拼搏的慾望!故事背景設定在第二及第三集之間,當時正值合成獸大舉入侵美國東岸,玩家進入遊戲後,要化身成消防員湯姆萊利,在亂世中既要尋找家人,更要同倖存者並肩作戰!
值得留意遊戲被評為限制級的18+,基本上要有成人身份證先玩得,全因不乏血腥暴力場面。好彩血肉橫飛嘅只係外星合成獸,加上Vita版多咗直接篤芒開槍,射擊難度大幅降低,連盛女Bonnie試玩完,齋靠輕觸芒嚟瞄準,一樣殺個不亦樂乎。「估唔到咁容易上手,第一次只係玩咗五分鐘,都已變成神槍手!」除了射擊外,更可觸控前芒使用手榴彈及斧頭攻擊,而機背觸控則可在掩護物後偵測戰況,可算為Vita版度身訂做不少新元素,值得期待。

 

 

 

《Resistance:Burning Skies》
主機:PS Vita 類型:射擊 推出:5月29日 售價:$298

PS3新Game夾射阿雪揸支Move去打仗
《Ghost Recon》新增標記功能,協調隊友進攻或從側翼夾擊敵人。新作支援3D及Move體感操作,靚女阿雪揸Move槍掃射一輪後,大叫叢林戰夠真實,「要不停避開敵人,好刺激!用Move比手掣更易瞄準。」

 

 
《Ghost Recon Future Soldier》(PS3,5月24日推出,$388)

Kali等玩32人混戰
透過「戰鬥與建造」系統,玩家既要佈局行軍,更需搞埋物資補給等「食腦」玩法,連遊戲達人Kali都讚:「籌劃建築物有新鮮感,更期待同班Friend玩32人連線對戰。」

 


《Starhawk》(PS3,5月8日推出,$388)


■Bonnie無打開FPS,不過齋靠PS Vita輕觸芒,瞄準出奇地準繩。


■要精準打擊,亦可使用瞄準Mode,一槍爆頭。


■篤住Touch芒嚟瞄準射擊,爽快外仲好易爆敵人頭㖭。


■外星敵人造型醜陋,兼且被玩家射到爆頭兼斷手,血肉橫飛!


■遊戲中要當消防員,但結果都係要拿槍應付怪物。


■有唔少武器有為Vita改良過,配合觸屏有更多玩法。


■阿雪愛用Move射擊,比較容易瞄準。


■利用標記功能,協調隊友同時向不同目標攻擊。


■Kali大讚建設系統好玩,期待32人網上大戰。


■利用戰車同戰機作戰,玩法多變化。

全站熱搜

stacylife 發表在 痞客邦 留言(0) 人氣()