關仁隱事:「打邊爐」亂教女記者媾仔 關仁

 

 
早排一個講單身女性嘅節目除咗令班參賽者紅咗,幾個導師都爆紅,特別係理論多多、專教人媾女嘅「打邊爐」,佢教啲女士要扮上菜應付媾佢哋嘅男仔,而傳啲短訊要短,加埋45度角嘅交談技巧,認真搞笑。不過,打邊爐依然唔覺得自己嘅理論係廢,有次祝捷會,佢唔覺意坐住個女記者嘅記事簿,嗰時打邊爐同人傾緊偈,女記者細細聲叫佢,佢又聽唔到,咁咪輕輕拍佢膊頭一下,呢個時候,打邊爐即刻導師上身,讚記者表現好,咁樣輕拍佢有啲可愛。見慣圈中靚仔嘅記者只能夠忍住笑,聽佢講廢話,其實人哋只係想攞番本記事簿啫。 撰文:關仁

全站熱搜

stacylife 發表在 痞客邦 留言(0) 人氣()