胡定欣被指姣溝7男, 佢澄清只有吳浩康、馬國明兩段係真嘅,並表示無謂嘅緋聞可免則免,多幾個搵錢嘅男拍檔又唔怕呀!唓!拍住搵錢男拍檔銀,倒不如正正經經搵個男朋友仲好。情侶檔仲值錢呀!

 
回復單身、被封為筍盤嘅馬國明,日前出席活動時坦言唔怕緋聞,我怕緋聞唔夠,總之多多益善啦。咁就啱嘞。女嘅要男拍檔,男嘅要緋聞。兩個不如復合罷啦。

 
Mandy Lieu早前出席馬場活動,被問到想唔想識番個馬主男友?佢指馬主有錢有愛心兼且有時間,係一個好選擇,養馬同養女朋友差唔多。但馬主可以同一時間養幾隻馬喎。Mandy係咪想男友一次過養幾個女朋友?

 
孫耀威嚴守基督教義,直言唔認同朱茵、阿Paul未婚懷孕嘅行為,最緊要能夠同上帝交代。上帝要交代,女朋友都要交代喎。佢同陳美詩拍拖咁耐,幾時俾番個交代人先?

模袁聖殷同巨聲幫周志文、馬賽嘅三角關係沒完沒了,日前袁被問到識唔識馬賽時?佢寸嘴回答:係咪選港姐時俾人叫爛面港姐嗰個?世上有樣嘢叫「山水有相逢」。阿女袁聖殷,自己千萬要好好keep住塊面皮啦。 ####

 

 

 

 

 

    stacylife 發表在 痞客邦 留言(0) 人氣()