阿Sa周五(4月27日)出席《勁歌優秀選》時,就穿上無踭鞋踩住空氣唱歌。這對露趾無踭鞋的鞋面和鞋底都鋪滿彩色珠片,索價過萬元。

上流滙  女人的膽識,從來不可小覷。美國怪雞天后Lady Gaga掀起無踭怪鞋熱潮, 港台藝人名人爭相效法,無懼仆死, 挑戰平衡力。形象指導Ricky Kwok點醒一眾大膽女士,如何將怪鞋演繹得華麗而不落俗套。

蔡卓妍 衫鞋唔夾
青春並非永恒,所以30歲的蔡卓妍近年轉走型格路線並以無踭潮鞋玩突出,可惜次次出事。

 
Ricky評︰「呢對鞋好靚好有特色,唔可以襯咁花,再加埋個花頭箍,焦點唔知放喺邊。應該襯簡單啲嘅衫,突出成對鞋嘅優點。」

 
Ricky評︰「衫、鞋、leggings拆件睇好靚,不過襯埋一齊就怪怪哋。對鞋襯絲襪唔好睇,而鞋嘅顏色較冬天,上身又春季款,對鞋轉淺色會好啲。」

鄭秀文 潮人指標
專生產怪踭鞋的意大利品牌Giuseppe睇中鄭秀文夠潮,早前就贊助Sammi任着Dizzy Wedge(無踭鞋型號)。Sammi亦在微博賣廣告,「今天完成了六公里,留下兩公里的餘力,去平衡這遺失的鞋跟!」好彩冇失手。


Ricky評︰「Sammi條sharp顏色裙同對閃石鞋襯得好睇,好fashion,不過加對絲襪就冇無咁順眼。襯埋呢個髮型好有型格,係佢先carry得到,普通人會變咗阿嬸。」

另類怪鞋
今年無踭鞋通殺,但並非人人carry得起,於是各地潮鞋品牌將無踭鞋演化出一系列details超多的怪踭鞋。

陳君宜 新潮有型
Ricky評︰「呢對鞋前後都有details位,好sharp、好新潮,如果上身轉黑、灰、藍等淨色,會更突出對鞋。」

陳嘉桓 格格不入
Ricky評︰「對鞋好特別,不過比較蝦人着,襯呢個上身做唔出好型嘅感覺。轉簡單上身衫,加條貼身褲會好好多。」

阿嬌 線條突出
Ricky評︰「黑配金嘅打扮都OK,夠穩陣。對鞋嘅線條加埋leggings,視覺上令佢瘦咗修長咗。不過佢頭金毛同頭箍就要扣分。」

孫燕姿 不倫不類
Ricky評︰「呢條裙好夏天感覺,同對鞋格格不入,依家有上輕下重嘅感覺。其實唔係興就一定要一窩蜂着。」

邱李茂琪 盡騷長腿
Ricky評︰「呢對鮮紅鞋好靚,同暗紅裙襯得好好,加埋黑色絲襪,令對腳好靚。唔戴呢頂帽會更好,依家冇咗焦點。」

要古靈精怪
呢類鞋款搶鏡,不過實用性唔大,除咗要平衡得好,襯法亦有難度。我建議全身由頭襯到落腳,古靈精怪,好似Lady GaGa咁。一係就襯得簡單啲去突出對鞋,唔好因為潮流興,就咩都放上身。

潮人注意
醫生:腳底有機會發炎全城熱捧無踭怪鞋,但脊骨及物理治療師何應輝指出這類怪鞋影響身體腳部發展,少着為妙。他說:「着呢類鞋要將壓力向前傾落腳掌,而女士驚企唔穩,腳趾亦不期然抓住鞋底,令到腳趾下面筋骨勞損,腳底有機會發炎。可以在前掌位加鞋墊,減少腳底壓力,但着嘅時間唔可以耐,見攰就要除鞋俾對腳伸展一下。」 ####

 


Giuseppe Zanotti


Giuseppe Zanotti《蘋果日報》圖片


《台灣蘋果日報》圖片


徐子淇密友陳君宜最愛收藏超高踭鞋款。「着高踭鞋,對腳線條會更靚。之前都試過無踭鞋,感覺比較危險,所以寧願揀多啲details嘅鞋款。」


Mihai Albu


怪踭鞋難着,但陳嘉桓卻有另類見解,「着呢類鞋行路要特別企得直,細細步咁行,好似太后咁,連儀態都可以改善。」


Mihai Albu


《FACE》圖片


Giuseppe Zanotti 身形圓潤的阿嬌早前着住三吋無踭鞋增高。


Giuseppe Zanotti


孫燕姿3月穿上無踭鞋來港到西九文化區開騷。由於當日下雨,台面濕滑,她唱第一首歌時已經失平衡跌低。


AlexanderMcQueen 溥儀眼鏡老闆娘邱李茂琪,去年已率先着無踭鞋闖蕩ball場,不過講明只限上、落車着,唔會着得耐。


星級形象指導郭慶彬(Ricky Kwok),曾與樂基兒、熊黛林等藝人合作。

    stacylife 發表在 痞客邦 留言(0) 人氣()