陳嘉桓扭傷頸焗45度溝仔

陳嘉桓自爆早前在泰國坐車扭傷頸,笑言只可45度望人,還大讚甫士「煞食」,不過又再長高的她,卻擔心因太高未能找到男拍檔影響拍戲!

陳嘉桓(Rose)、馬國明及吳千語等前晚出席國際時裝品牌Coach新店開幕活動,Rose穿上透視短裙騷美腿最搶鏡,她表示做足安全措施但仍怕走光:「着起條裙先發覺高咗1至2cm,最怕只係做到模特兒工作,太高冇人搵我拍戲,都可以做露長腿角色。(性感?)露腰同腿都OK。」問到會否難找男主角配襯?她甘願演傷殘人士角色。

馬國明撐舊愛

Rose又透露早前在泰國坐車時扭傷頸,並搞爛Gag指只可45度望人:「依家興45度望人,呢個甫士好煞食!(咁溝仔?)易過搭車扭親條頸,哈哈!吸引人其實要有內在美,我個招牌笑容最得。」

此外,對於被指遭前女友胡定欣借作宣傳的報道,馬國明力撐對方:「宣傳劇集啫!(搵你做宣傳?)唔介意,實有啲Noise,唔太過分OK,希望接到阿佘(佘詩曼)一姐棒!(胡定欣係姣精?)女藝人應該要有,有幻想先吸引到男粉絲。(電力有冇阿佘咁勁?)未領教過阿佘功力。(呢期有冇畀人電?)我都想!」他還暗示曾被胡定欣電過而成為情侶,又大讚對方在劇集《拳王》中飾演聾啞角色,提到題材被指涉抄襲,他說:「大部分題材已經用過,演出嚟好睇咪得。」

吳千語被問到有否與「電王」馬國明過電,她說:「未同佢交談,一陣見到佢先。」她透露下月開拍新戲,現正籌備中。

名人組

高妹陳嘉桓揚言又高了1至2cm,大騷美腿。

黃德斌(左起)、吳千語、陳嘉桓、杜宇航及馬國明出席新店開幕活動。

馬國明句句幫住舊愛胡定欣,有情有義。

陳嘉桓45度溝仔煞食

陳嘉桓因扭傷頸,故只可45度角望人,她笑言呢個甫士十分煞食,容易溝仔,並自封招牌笑容最使得;而再度發育的她,因身體長高1至2cm,怕太高冇人搵佢拍戲,影響了事業發展。


陳嘉桓身體再長高,笑言恐對工作有影響。

藝人陳嘉桓(Rose)、馬國明、杜宇航、黃德斌、吳千語、王馨平等前晚出席著名品牌Coach新店開幕活動,當中身穿白色透視裙的Rose表示做足安全措施,高人一等的她說:「高咗1至2cm,本身已經5呎9,驚只係做到model工作,怕太高冇人搵我拍戲,可以做show長腿角色,(性感?)露腰、腿都OK。(難搵男主角襯你?)全女班戲或做傷殘人士都得。」

她還透露早前在泰國坐車時扭傷頸部,並搞爛gag說:「依家興45度角望人,我淨係可以一邊面45度望,呢個甫士好煞食。(咁溝仔?)咁易過搭車扭親條頸,其實吸引人要有內在美,我招牌笑容最得。」


馬國明(右起)、杜宇航、陳嘉桓、吳千語與黃德斌擔任剪綵嘉賓。

馬國明力撐胡定欣做姣精。

王馨平近期頻頻曝光。

馬國明想畀人電

而擔任剪綵嘉賓的馬國明,被問到前女友胡定欣被封「新一代姣精」,他力撐對方:「宣傳劇集啫,(搵你做宣傳?)唔介意,唔太過分都OK,希望接到阿佘(佘詩曼)一姐棒,(胡定欣係姣精?)女藝人應該有,咁先吸引到男粉絲。(被電過?)你都講咗啦,(『電力』有冇阿佘咁勁?)未領教過。(呢期有冇畀人電?)我都想。」他還大讚對方在劇集《拳王》裏演聾啞角色,記者指題材是抄襲,他回應:「好多題材都已經做過,演出嚟好睇咪得。」

另外,問吳千語有否與「新進電王」馬國明過電?她說:「未交談,見到佢先。」她透露下月將開拍新戲,現仍在籌備中。

文:名人組

 

創作者介紹
創作者 tvb4life 的頭像
tvb4life

明星八掛大分享★☆

stacylife 發表在 痞客邦 留言(0) 人氣()