最近有傳「集郵小妖」同「歪嘴猩」翻撻,欲斷難斷。不過,媽咪姐又聽到段料,話「集郵小妖」當初最冧嘅,唔係「歪嘴猩」,而係「蠟面舞王」喎。


據唱片公司啲老友講,「蠟面舞王」初出道時,「集郵小妖」好鬼冧,認為佢勁靚仔,而且唱得跳得。加上當時「蠟面舞王」俾公司吹捧緊,所以喺「集郵小妖」心目中,以為呢個「愈大愈靚」嘅哥哥仔係大紅人,立志要黐。可惜佢嘅「虛榮集郵夢」好快爆咗!話說有一次,「蠟面舞王」出席一個event,席間會招待fans,「集郵小妖」聽到當然飯應啦。點知一去到,有人俾咗個寫有「蠟面舞王」個名嘅紙牌佢,叫佢聽住口號舉牌,仲話完騷後,每人會收到50蚊咁話。Well,即係做「媒」囉!老友話聽番當日有份去做「媒」嘅妹講,「集郵小妖」覺得好瘀,又驚俾人影到,全程用個牌遮住塊面。唔怪得喺佢嘅「集郵史」入面冇「蠟面舞王」份啦,原來呢位小妹妹心頭都好高㗎!呵呵,咁就「益咗」乜都食得落嘅「歪嘴猩」囉。 ####

文章標籤

創作者介紹
創作者 tvb4life 的頭像
tvb4life

明星八掛大分享★☆

stacylife 發表在 痞客邦 留言(0) 人氣()