容祖兒被指係「盛女」代表之一,佢即時否認:我都多人追㗎,排到Z呀!係Zero個Z咋。講無用呀囡,有人追你要show俾大家睇先得㗎。 其後佢仲補充,指自己唔會嫁唔出,我樣又端正,性格又唔古怪,身材又弗,我唔擔心。祖兒除咗有以上優點,原來仲自信心爆棚。媽咪姐就放長雙眼等佢拍拖。


王馨平計劃搵舊愛鄭嘉穎幫手搞音樂會,被問到怕唔怕老父王羽唔高興?佢擺脫乖乖女形象表示:要管都俾老公管啦。女大女世界雖然係事實,不過王羽都係錫佢啫,兩父女一人少句囉。


謝賢任男性藥品代言人,其間佢仲炫耀自己基因優良好值錢,睇吓霆鋒同婷婷就知啦。喂喂喂,想一個人邀晒功吖?唔好唔記得仲有拉姑,冇雞點會有蛋呀?


內地盜版猖獗,早前導演馮小剛接受訪問時發洩不滿:雖然我們被盜版輪姦,但還是要殺出一條血路。嘩,大導用詞似乎激咗啲喎。盜版冇品係人都知,大導咪鬼同啲賊一般見識。 ####


 

文章標籤

stacylife 發表在 痞客邦 留言(0) 人氣()