全城盛女熱,其實師奶亦都值得關注。事關呢班師奶為咗頭家,甘願放棄女人最着緊嘅靚樣弗身材;為咗餐餸,東奔西撲在所不惜。對呢班師奶兵團,媽咪姐要俾十個讚呀!

麥家琪 索氣買家品
06年嫁咗俾大律師,仔都生咗件嘅麥家琪,前周一(9日)就由沙田寓所,揸車去九龍城添置家庭用品。冇「印印」冇助手,麥家琪即使買到一袋二袋,都要靠自己拎上車,呢位師奶真係抽到索晒氣,惟有喺馬路中心唞大氣。今年36歲嘅佢,身形明顯走晒樣,洗盡鉛華咁款都係為個家,好偉大。

劉倩怡 買餸慢吞吞
早前嫁咗俾「奸到出汁」鄭子誠嘅劉倩怡,喺90年代其實曝光率幾高!當年唔少大騷都例必有佢份,不過做咗全職師奶後,佢就一直甚少蒲頭。前周一(9日)劉倩怡喺九龍城街市出沒,冇見一排,依然係三七分界短髮,不過身形明顯圓潤咗好多。師奶買餸好多時速戰速決,但鄭師奶淨係行凍肉檔都已經行咗十分鐘,難怪一直喺架車等佢嘅鄭子誠,都等到有啲面燶燶。 ####


邊行邊瞌
麥家琪行返去司機位嗰陣,一邊整衫尾,一邊唞大氣,仲忍唔住打呵欠(圖),真係好攰。


抽袋上車
麥家琪一手抽咗幾袋嘢上車,師奶力很大!


全力親子
做咗人妻後嘅麥家琪一直冇復出拍戲,全力湊住6歲大嘅囝囝Johan。


當年豪放
93年參選港姐入行嘅麥家琪不嬲裸命搏,唔使點谷,都有深長「事業線」,勁過家陣批模多多聲㗎。


揀來揀去劉倩怡起初不停喺凍肉舖搜括急凍豬肉,但最後都係走去豬肉檔買新鮮豬肉。差少少錢啫!鄭生喺電台開咪,得閒又拍劇,俾得起嘅。


喺架車等咗半個鐘有多嘅鄭子誠,雖然等到唔耐煩,但佢一見到老婆喺遠處行緊嚟,都立刻落車開定車尾箱,安置嗰幾袋餸。



文章標籤

創作者介紹
創作者 tvb4life 的頭像
tvb4life

明星八掛大分享★☆

stacylife 發表在 痞客邦 留言(0) 人氣()