《蘋果》獨家專訪 銅鑼灣出巡 Fans朝拜
盛女王 Suki擔心 Florence嫁唔出

【盛女大追捕】無綫節目《盛女愛作戰》邀請剩女尋找真愛,花了半年時間為五名參加者 Suki、 Florence、 Bonnie、 Mandy和 Gobby找伴侶,結果 28歲報稱文員的 Suki跑出,剩女搖身變盛女,結識了男友 Zion,感情穩定。該節目本周一才首播,最高收視直達 27點,吸引 173萬觀眾追看,相對過往該時段的 19點收視(約 122萬觀眾),增加了 51萬觀眾,無綫官網有得翻看,首集吸引逾 23萬次點擊。盛女王 Suki昨日出巡銅鑼灣,人氣爆燈,途人指點上前打氣,她照單全收。被網友和觀眾惡評的 39歲奄尖女 Florence, Suki也擔心她嫁唔出,勸她放下執着。

盛女王 Suki在人海茫茫中覓得新歡,昨日她接受本報記者專訪,打從心底笑出來。

盛女王 Suki在人海茫茫中覓得新歡,昨日她接受本報記者專訪,打從心底笑出來。

無綫節目《盛女愛作戰》唯一覓得男友的盛女王 Suki,成功覓得愛郎 Zion,有愛情滋潤自然表現風騷,她昨日一身便服到銅鑼灣鬧巿接受本報記者專訪,雖然節目剛播出,但不少途人已認出她,大讚 Suki真人靚過上鏡,甚有觀眾緣,其間還有不同年齡的女途人上前要求握手和合照,甚至舉高拇指大讚她 No.1,令 Suki甜笑不停。
S: Suki 記:記者
記:好多人支持你。
S:冇諗過家反應咁大,節目出街好正面,我哋好需要支持,好大壓力。
記:可有看網上的討論?
S:八卦有睇啲,激進高登派就冇睇。
記:網民對你批評較少,話你係最好一個?
S:可能我未講嘢啦,都驚驚哋。
記:怕講嘢暴露缺點?
S:永遠都係講多錯多,同一句說話都有人鍾意有人唔鍾意,我聽到啲朋友話呢個女仔冇飯食呀?咁瘦咁醜樣就唔好上電視啦,咁我係瘦,冇得駁。

陳志雲與 Suki及男友 Zion、 Florence飯敍, Florence熱情搭着工作人員。

陳志雲與 Suki及男友 Zion、 Florence飯敍, Florence熱情搭着工作人員。

巿民紛紛支持盛女王 Suki,更力邀合照,人氣爆燈。

巿民紛紛支持盛女王 Suki,更力邀合照,人氣爆燈。

失戀暴瘦至 83磅

盛女 Florence嫌大學講師 CK樣子平凡,與她不合襯。電視圖片

盛女 Florence嫌大學講師 CK樣子平凡,與她不合襯。電視圖片

記:因失戀而瘦?
S:一向都瘦,一般有 90幾磅,但拍攝時剛失戀,食唔到瞓唔到再瘦啲,真係恐怖,自己都覺得,得 83磅。
記:有傳五個女仔都係做媒?
S:係媒就收咗錢好耐,媒唔會做咁多,個騷係自願參加,大家付出時間俾人去指點,我哋五個女仔私下都有交流。我朋友同家人一定知我唔係媒,佢哋話你唔好咁樣衰去獻醜,做媒梗唔係啦,但係咪完全冇人追又未至於,咁啱剛失戀跌落谷底,冇晒方向,想搵啲嘢抓住,遇到呢個騷,監製話點就拍囉。
記:節目中只得你搵到男友,係大贏家,付出終有回報?
S:冇話係贏,好似其他參賽者都有得着,只不過我好運地搵到男友,從中識到好多朋友,擴闊咗圈子,純粹咁啱遇到。
記:除咗你,邊個應該都搵到男友?
S: Bonnie同 Mandy囉, Mandy本身條件好,私下好多人追。只要佢肯放低少少,擺多少少時間喺愛情方面就 OK。 Bonnie都有叫我介紹男友,我都話有,因為我身邊有朋友話佢好夠義氣想識佢,我都會介紹,撮合佢哋。 Bonnie應係下個嫁得出,佢好開朗,我係女仔都鍾意佢。

勸 Florence放開自己

記: Florence、 Gobby搵男友或老公機會大唔大?
S:個人睇 Gobby機會大啲,雖然有個女,性格最緊要,肯唔肯放開自己,雖然 Gobby冇咁高學歷,條件差啲,但佢冇話要求多多,要有錢要靚仔要白馬王子,好簡單嘅女人仔,只要有個人錫佢,只要佢遇到就 OK。反而 Florence比 Gobby多要求,執着啲唔肯放開自己,私底下對 Gobby多啲信心。
記:大家都話 Florence好奄尖?
S:佢對自己有要求,對人又有要求,寧缺莫濫,一時三刻好難改變。
記:人生教練 Winnie教嘅嘢有冇用?
S:我接觸其他導師多啲,電視睇到佢教嘅嘢,都有佢道理,唔係個個人受用,我自己就啱聽咪聽囉。
記:節目中安排過 Speed Dating嘅男仔質素有冇嚇親你?
S:我未參加過,有少少驚,原來巿況激烈到咁, 20歲學生妹都出嚟 Speed Dating。當中三個男仔,有個外形比較注目(指頭髮稀疏的 Mickey),呢啲我都怕。
記:你係咪喺中銀同東亞銀行打過工?
S:(避談)私下話你知,我做過好多間,唔需要 mention邊間,唔想影響到人。

被爆曾穿櫃桶底

記:有人爆料你做中銀時偷過同事錢, 09年喺荃灣東亞返工又穿櫃桶底,有冇咁嘅事?
S:(有問必答的 Suki忽然收起開朗笑臉,眼神也變得閃縮,但仍強裝鎮定回答)冇,有都唔會喺呢行繼續做落去,好多嘢唔需要解釋。
記:怕唔怕人紅是非多,陸續被起底?
S:冇預料反應咁大,我會驚,自己去參加呢件事,對自己負責任,唔係要影響到身邊自己工作及同事,我唔係明星、名人,唔使呢啲知名度,我只想過簡單生活。
記:同男友拍拖半年,見過家長未?會唔會搶閘做龍年新娘?
S:大家見過,我畀男友 100分,希望佢都係畀我 100分,我哋未咁快結婚。
另外,一班《盛女》工作人員、編導岑應及構思節目的陳志雲、參賽者 Suki與男友,以及 Florence日前一起飯敍, Florence更熱情地搭着工作人員,非常進取。

採訪:汪芷寧、比華利
攝影:陳志嵐

街訪:「 Bonnie勢利港女」

盛女王 Suki昨日出巡銅鑼灣,不少 fans大讚她可愛但太瘦,也有觀眾彈 Bonnie勢利, Florence也很惡頂。

李小姐:我覺得 Bonnie介意食大排檔,係比較勢利同埋感覺好港女。

曾先生:我鍾意 Mandy,佢夠獨立,大家可以分擔。

Fiona: Florence最麻煩,佢太囂張,奄尖又要求多多,佢應該最難嫁得出。

陳小姐:最憎 Mandy,佢成日覺得自己好叻,懶有自信。

周先生: Suki睇落最好,係會依靠人,又細細粒,其他人年紀咁大。

失婚 Gobby被飛出局

失婚婦 Gobby條件欠佳,有指已被擯出局。

失婚婦 Gobby條件欠佳,有指已被擯出局。

近日 hit爆的無綫節目《盛女愛作戰》中 38歲的人生教練 Winnie,見證失婚的 Gobby與 Suki、 Bonnie、 Mandy和 Florence五位女主角的求偶實錄,短短半年把她們由頭到腳大變身,扶助她們踏出豐盛人生。

原有六位參賽者

蘇玉華日前跟四名盛女出席宣傳活動,當時 Gobby已缺席。

蘇玉華日前跟四名盛女出席宣傳活動,當時 Gobby已缺席。

Winnie日前在 blog爆料指原本參加者共有六位,但出鏡時卻少了一女,未知可是膽怯縮沙? Winnie爆料指節目尾聲只得三女留低,她表示有人退出,有人繼續掙扎。有指 Suki一早搵到男友、 Bonnie、 Florence和 Mandy繼續撐到尾, Gobby卻被擯出局。
當節目出街,網友批評 30歲的高級客戶經理 Mandy是典型港女, 39歲的會計師 Florence奄尖又討厭,近日節目開播前宣傳,五女獨缺 30歲失婚婦 Gobby,最近再宣傳時, Gobby和 Florence亦已潛水。

黃洋達:人生教練有問題

網台主持黃洋達連續兩日鬧爆《盛女》的星級團隊。資料圖片

網台主持黃洋達連續兩日鬧爆《盛女》的星級團隊。資料圖片

《盛女》成為熱話,前日鬧爆該節目的網上電台主持黃洋達昨日繼續火滾開咪,他說:「尤其人生教練連自己嘅人生都有問題,有乜資格檢討人哋嘅人生?個節目故意挑剔參賽者,滿足香港人鍾意睇人仆街嘅心態,最後就紅咗一班人生導師,個節目變相好似植入咗廣告。」

前晚《盛女》第三集在節目現身的獨立股評人孫柏文,昨日在電話中說:「如果你作為一個剩女觀眾去睇個節目,係覺得 OK冇嘢幾好笑,應該就冇事,會媾到仔嘅。」相反若果大罵節目侮辱女性,最終可能好像 Florence一樣「有事」,因為他認為若港女想識男仔,應寬容放下無謂包袱。

盛女語錄「靚女都要撩鼻屎」

Bonnie

Bonnie

《盛女愛作戰》引起全城熱話,首三集已金句處處,尤以 Florence的求偶邏輯最抵死,難怪最令人關注。

Florence:
「如果我淨係想結婚,有個人好好哋,就算佢六、七十歲畀我我都 OK,咁你即管去婚姻介紹所囉。但如果你仍然對自己有啲要求,我勸你慳番啲錢唔使上去!」
「人人都會老,佢應該係鍾意我嘅內涵,而唔係鍾意我加工花巧製作靚啲嘅外表囉,我覺得呢啲都係好表面。」
「可能我對自己仲有些少自信心,我覺得自己行出去,唔係靠 match picker,我落去蘭桂坊蒲吧,去識人絕對唔係難事。」
「我第一個反應唔係嘛,我話要個智慧型嘅啫,唔係真係揀個教書畀我吖嘛?」

Bonnie:
「靚女都要去廁所,靚女都要食飯,都要撩鼻屎㗎喎!」
「我會好想身邊嘅男人同我講一句:萬大事有我。」
「女士可能會有個希冀會唔會遇到王子呢,唔係俗稱嘅 MK仔、宅仔呀,會有啲生活品味,可能飲紅酒呀咖啡呀,揸吓車,打 golf,唔係同你去旺角深水埗食個雲吞麪。」

Mandy:
「可以有 further development,但朋友囉,即係起碼我唔會討厭佢囉。」
Gobby:
「男仔問我做乜呀 Gobby,係咪好飢渴呀?係咪冇男人唔得呀?我冇理囉,咁點啫,我話吹咩!」

人生教練 Winnie:
「你( Bonnie)個樣就似中環,一開口就變咗旺角啦!」

盛女收得 盛男準備出擊
Mandy多人追遭質疑做媒

女強人 Mandy也有溫柔一面,看她小鳥依人般靠在男友人身上,與鏡頭前的強硬性格判若兩人。

女強人 Mandy也有溫柔一面,看她小鳥依人般靠在男友人身上,與鏡頭前的強硬性格判若兩人。

【盛女大追捕】有見《盛女愛作戰》大收旺場,無綫不但有意開拍第二輯,而且更計劃炮製《盛男愛作戰》。不過,有傳《盛女》參賽者之一 Mandy跟該節目編導岑應份屬好友,二人不時結伴夜蒲, Mandy更不乏男性追求,令人懷疑無綫作假, Mandy是「媒」。

無綫節目《盛女愛作戰》掀起全城熱話,收視高企。原來《盛女》是無綫前總經理陳志雲一手策劃,為求節目更有真實感,陳志雲特地向新聞部借用女編輯岑應擔任節目編導。記者昨日致電無綫節目發展分部助理總監彭濟材,他說:「呢個新嘗試係 Stephen(陳志雲)策劃,佢同新聞部借個同事岑應嚟做,佢做埋導演寫埋稿,又跟埋拍攝同做後期工作。」

Mandy原來曾經做過基仔《鑽石敗犬》MV的女主角,更令人質疑節目做媒。

Mandy原來曾經做過基仔《鑽石敗犬》MV的女主角,更令人質疑節目做媒。

豪邁的 Bonnie(左)與另一參加者 Gobby在公眾地方敷面膜,懶理旁人目光。

豪邁的 Bonnie(左)與另一參加者 Gobby在公眾地方敷面膜,懶理旁人目光。

盛男參賽者難搵

《盛女愛作戰》編導岑應與 Mandy份屬好友,二人經常結伴去蒲,難怪 Mandy被質疑做媒。

《盛女愛作戰》編導岑應與 Mandy份屬好友,二人經常結伴去蒲,難怪 Mandy被質疑做媒。

至於會否開拍第二輯?彭濟材說:「會考慮,但因為我哋需要好多時間去做,做咗成十個月,要度清楚先至做。」會否製作《盛男愛作戰》?他說:「會諗,但要睇吓有冇 case去拍,因為好多人唔肯出嚟做,一百個人只得一個肯。」據悉岑應原來都是盛女一名,因此製作節目時特別有 feel。記者昨日欲跟岑應做訪問,但她以身份尷尬為由婉拒。至於陳志雲昨日說:「好想做真人騷,但搵番綜藝組同事做,冇 artist喺度嘅話處理上往往有盲點,我諗起新聞部製作過港男港女節目,所以同袁志偉商討,借新聞部同事嚟幫手。」

這節目令盛女 Bonnie、 Mandy、 Gobby、 Suki及 Florence受關注,有傳五名參賽者是「媒」,當中 Mandy是編導岑應的好友,故她是唯一不用公開真實年齡的參賽者,岑應的 fb有不少二人結伴去蒲的照片,據悉現實中的 Mandy根本不乏追求者,加上她拍過古巨基的《鑽石敗犬》 MV,難免被質疑是媒。

Mandy被指失婚

未知五名參賽者是否擔心被大起底,不少人將 fb封鎖了,其中 Mandy、 Suki、 Gobby和 Florence的 fb設了瀏覽權限,其中 Mandy前晚本來仍接受朋友的邀請,昨日已迅即將 fb取消。不過她的朋友 Feheart Kin Tsui上載了一張兩人親暱合照,並寫上「 Mandy Wong原來喜歡大十幾廿歲的男人,難怪佢只係同我 further develop做朋友」,該朋友表示節目中 Mandy很女強人,但現實中是小鳥依人。有讀者昨日電郵本報指 Mandy六年前在荔枝角上班,更踢爆她結過婚、離了婚,而且為人貪錢。

至於男仔頭 Bonnie是唯一沒有封鎖 fb的參賽者,她之前在民間電台主持《盛女再作戰》節目,可是網上卻有人笑她樣子像錢嘉樂。另外,在節目中擔任人生教練的 Winnie,多年前曾任娛樂版記者。

小八卦
人生教練欠說服力

 

節目令盛女一炮而紅外,連帶被網民鬧爆的「人生教練」 Winnie、心理評估師曹祐謙等都成為都市紅人。事實上,他們曾在《港男港女》、《中女告白》、《偷聽男人心》等節目受訪,兩人分別在節目中大呻單身,力數異性的不是,今次他們卻升呢做導師,難怪有人說沒說服力。

鏡頭搖晃扮紀錄片


讀者看過節目,可有發覺鏡頭不停搖晃,甚至令人頭暈眼花?原來無綫並非請了一批低手攝影師,而是有別以往 set腳架拍攝,今次改用人手揸機,時刻捕捉着主角的一舉一動,來營造紀錄片形式( documentary)的效果。

盛女作戰舊瓶新酒


《盛女》勁收,無綫終於威番次,但節目也並非原創。去年網站 Goyeah.com便舉行了名為「小敗犬大作戰」的比賽(圖),同樣打正旗號為年輕港女求偶, Ana R.更是評判之一,當然節目迴響難以跟無綫比較,但在討論區也引起過熱烈討論。

全站熱搜

stacylife 發表在 痞客邦 留言(0) 人氣()