正喺上海拍劇嘅鄭嘉穎,聽到王羽呢番言論後亦無動氣。 不過佢補充一點,指「冇出息」每個人定義不同,只要我喺阿媽心目中唔係冇出息已足夠。聽到呢一句,證明嘉穎真係大個仔。其實做人盡咗力,但求無愧於心已經OK。能夠學嘉穎多一份容人之量, 更加抵讚。


沉寂一時嘅王馨平,因客串《春嬌與志明》而人氣急升。不過人紅自然有是非,佢同鄭嘉穎嘅一段舊情被老父王羽翻舊帳,搞到王馨平急急補鑊。



王羽早前接受訪問,自爆當年因鄭嘉穎冇出息,反對愛女跟對方拍拖,並着女兒勿再跟嘉穎聯絡:現在老公這麼好,不要再和過去男人牽扯。媽咪姐知道,王羽大哥都係肉緊個女啫, 不過女大女世界,馨平識點做㗎啦。


王馨平聽到老竇嘅火爆言論後,急急上微博補鑊,並大讚舊愛:
一直以來,我都認為鄭先生是一位成功、出色的藝人。
係囉,正所謂「家和萬事興」,馨平呢種態度,咁先啱嘛。


上面王家糾紛告一段落,呢邊廂薛家嘅諸葛紫岐、陳法拉繼續鬥法。


有指諸葛紫岐、陳法拉相繼出碟。當被問到有否聽過法拉所唱嘅劇集片尾曲時,薛王妃回答:我有睇套劇,但冇留意首歌。係真唔係呀?媽咪姐懷疑佢連套劇都冇睇過囉。


對於諸葛紫岐嘅回應,陳法拉避而不答,不過他日於歌手場合相見亦不怕:演員咩尷尬場面都遇過。咁又係,有諸葛咁嘅親戚,真係面皮薄啲都唔掂。 ####



 



 



 



 

stacylife 發表在 痞客邦 留言(0) 人氣()