周啟生好熟練入去便利店買咗兩罐大啤,一邊行一邊笑,好似小朋友買到玩具咁開心。

52歲嘅音樂人周啟生,上年2月同年輕廿載嘅大提琴手司徒靄杰生咗個女,理應忙湊女享受家庭樂。不過媽咪姐每次見佢都拎住罐啤酒,猶如做咗啤酒代言人一樣。


早幾日,媽咪姐又見到滿頭白髮兼中年發福嘅周啟生到便利店買啤酒。佢一嚟就起雙飛,一手一罐揸到實一實,個樣開心過中馬票。其實周啟生近年工作貴精不貴多,最近雖然幫胡楓演唱會做音樂總監,但實際工作唔多,難怪佢咁多時間飲酒啦!


周啟生經歷過兩次婚姻失敗,上年跟年輕廿載嘅大提琴手司徒靄杰誕下一女。周啟生更帶埋老婆、囡囡出席胡楓演唱會嘅慶功宴。 ####


stacylife 發表在 痞客邦 留言(0) 人氣()