摸胸明哥對男二號又攬又錫兼摸胸,對方個姿勢又極盡享受之能事。嘩,心血少啲都頂唔順呀。

呢個月廿號開騷嘅達明一派,原定兩場演唱會,一加再加變成四場,唔單止拍檔劉以達,就連平時酷開嘅明哥,近排見親人都笑到四萬咁。為咗慶祝演唱會賣個滿堂紅,佢最近更豁出去為新歌〈It's my party〉拍咗段超激MV。


媽咪姐睇過段MV,見到明哥同男二號嗰種激情法,腎上腺素立時飆升。聽講個男二號唔係model亦唔係臨記,只係唱片公司一個同事嘅死黨,結果臨時拉伕就咁奉獻咗第一次俾明哥。好在明哥夠專業,三兩吓手勢就帶到個小朋友入戲,大部分鏡頭拍一、兩個shot就搞掂。明哥性取向一直成疑,今次整個咁激嘅MV,唔通想表明態度? ####


自咀 MV入面嘅明哥對鏡瞇眼嘟嘴自咀,完全誘惑。


痴纏熱情痴纏下,男二號連紅色小T-back都走埋出嚟。 激烈程度可想而知。


達明一派復出開騷,票房滿堂紅,明哥心情自然大好。

stacylife 發表在 痞客邦 留言(0) 人氣()