張智霖Fiat 500 $30萬
張智霖架Fiat 500落地唔夠一個月,新鮮滾熱辣。

以往,明星玩車都是鬥靚、鬥快,不過隨住環保意識提高,不少明星都陸續轉口味,改為玩細細架的K Car。
好似玩開跑車的張智霖,近日出了部Fiat 500,貪其懷舊及的骰。


張智霖曾經自爆早年愛鬥車,又試過停牌,所以以往佢都係買跑車。不過,其新歡是開篷版本 Fiat 500,售價約為30萬元。上月尾,佢就揸住部新車同老婆靚靚去西貢放生。架Fiat 500 3月2日落地,車身長3.5米,大約等於三張麻雀枱加埋。

Fiat 500玩味十足
五、六十年代,Fiat 500備受車迷熱捧,現在車行推出復刻版,圓潤車身、雙門布局,加上內部功能提升,吸引不少喜愛復古車的粉絲。 引擎:1.4公升直列四汽缸馬力:100 bhp /6,000rpm 扭力:131Nm/4,250rpm 傳動系統:6前速手波/ 5前速Selespeed

女星熱捧 容祖兒
容祖兒上年諗咗一排想買Fiat 500,直到代理商咁啱搵佢做嘉賓,祖兒見機不可失,仲即時在宣傳活動落訂買車。

曾華倩
無論去九龍城買餸,又或是接送兒子返學放學,曾華倩都係以Fiat 500代步,用咗超過三年都冇換車,算長情啦。

官恩娜
官恩娜和男友J先生(右)去尖沙嘴行街街,兩人買外賣回家,負責揸車嘅官恩娜都係Fiat 500擁躉。

陳奕迅Aston Martin Cygnet
陳奕迅2月尾被發現買咗架Aston Martin Cygnet。Cygnet是Aston Martin 有史以來首部K Car,由顏色到車內皮革用料均可度身訂做,完全突顯Eason身份,售價60萬元起。

俞琤Smart Roadster
俞琤架Smart Roadster,特別在連司機只可以坐兩個人,圖中的是同款車,而俞琤嗰部就係銀色加藍色,車牌有個「ME」字,勁搶眼。

任賢齊Mini Cooper S
Mini Cooper仍然是不少明星的心頭好,好似小齊同熊黛林都是支持者。上年10月,小齊都係揸住佢架Mini Cooper S接兒子回家,做個廿四孝老竇。 ####


Chilam揸Fiat 500同靚靚放生,同行的麥包攬到靚靚實一實,好在Chilam唔介意。


張智霖以往玩開Benz跑及林寶堅尼,今時今日玩K Car,安全咁多,老婆靚靚應該最贊成。


60萬


22萬


20萬

stacylife 發表在 痞客邦 留言(0) 人氣()