祖藍現形
王祖藍每次在台上演出都全力以赴,呢晚佢唱足四首歌。又唱又跳,仲要顧住扮嘢,興奮到連自己激凸都唔知。

加國時間4月8日下午2時許,陳豪、王祖藍、徐子珊、林欣彤及許廷鏗飛抵溫哥華出席當地一個慈善騷。對無綫嚟講,呢個陣容都唔弱,不過藝員嘅待遇認真麻麻。
眾人一落機就被送去綵排,完騷後又匆匆趕飛機返香港。旋風式一條龍做騷,連踩12粒鐘冇唞過,難怪班藝人一上機就攰到大覺瞓。
主辦單位雖然慳皮,但王祖藍表演得非常戮力,識得搞氣氛之餘,仲唱到凸J都唔知,呢啲咪叫專業囉!


在溫哥華列治文河石酒店劇院舉行的《修身堂6週年呈獻——星光閃閃耀兒心慈善晚宴》,表演嘉賓全是無綫藝人,包括陳豪、王祖藍、徐子珊、林欣彤及許廷鏗。加國時間4月8日下午2時,眾藝人抵達溫哥華後,像豬仔團般送往表演場地綵排,完騷後被即日「遣返」,坐凌晨2時45分機返港,加國風情無福消受。直踩12小時,加上來回機程24小時,鐵人都散。

唔過夜慳一筆
有幕後指,今次飛長途做騷即日來回,非常少見,全因主辦單位想慳得就慳,「請TVB藝人已經貴,仲要包全隊人機票食宿,條數非常揦脷,所以最後決定唔過夜。不過藝人落機冇耐就做騷,根本冇得休息。」徐子珊在台上亦有微言:「我喺加國有唔少朋友,有冇人識我?(台下鴉雀無聲)好可惜我今晚就走,冇機會見吓我啲朋友。」雖然來去匆匆攰爆,但眾藝人都盡力搞好氣氛,更準備了私物為慈善籌款。現場所見,王祖藍的瞓身表演加凸J娛賓,反應最熱烈,而陳豪的太陽眼鏡籌得最多善款。

加國時間4月8日2:00pm到埗
坐了12小時飛機,林欣彤與許廷鏗一臉倦容步出溫哥華機場。戴上黑超的徐子珊當正自己巨星出巡,見途人影相不斷揮手。

4月9日2:00am返歸
王祖藍等人完騷後即被送往機場乘機返港。戴住藍帽的祖藍(藍圈)率先check in,陳豪(左一)則攰到冇表情。

徐子珊跳姣舞送飛吻
發福唔少的徐子珊,唱歌時不停挺胸趷籮,見台下觀眾反應冷淡,送多個飛吻,不過觀眾都係唔多受落。

陳豪師奶殺手
有傳將於年底與陳茵媺結婚的陳豪,果然春風滿面,佢係全場最受歡迎嘉賓,一出場就全場拍手歡呼。論唱功,陳豪認真麻麻,唱住歌落台握手時,雖然無氣兼走音,但班師奶fans都好瘋狂,爭住同佢影相。

許廷鏗唱到抽筋
貴為樂壇新貴,許廷鏗為表實力唱到抽晒筋,solo完仲同林欣彤合唱經典歌〈你最珍貴〉。

後生fans撐場
雖然受歡迎程度冇陳豪同王祖藍咁犀利,但林欣彤及許廷鏗在當地都有一班年輕的支持者。林欣彤購自日本的公仔headphones及許廷鏗的名牌袖口鈕,很快便成功賣出。 ####


攬女伴舞
女fans上台獻花,祖藍拉住人伴舞,仲要七情上面,好鬼馬。


最冇誠意私物$24,000
祖藍竟然捐出金色TV Buddy作拍賣之用,雖然佢最冇誠意,但一樣有支持者出價競投。


Baby上身扮女人深入民心的祖藍,不時Handelababy上身,台下觀眾拍爛手掌。


王祖藍4月9日在微博放了一張機場自拍照,fans發現佢鼻上生大瘡,唔通真係捱到出瘡?


$30,300


落台拉客到了拍賣環節,徐子珊見捐出的閃石iPhone套競投情況唔踴躍,即時落台拉客,仲出埋合照同香吻力誘。


$31,200


最高價拍賣品陳豪為慈善捐出私伙名牌黑超,佢話賣點係:「呢副超我成日戴!」女fans爭相出價,最後以4,000加幣(約31,200港幣)成交。


$5,400


$8,500

stacylife 發表在 痞客邦 留言(0) 人氣()