捱足一個月不歸家 姜皓文回味亞視瞓梳化

姜皓文首拍無綫劇《鐵探》,提到昔日拍劇的美好時光,他指雖然當年在亞視捱得辛苦,試過近一個月沒有回家,更要在公司大堂瞓梳化,但現在憶起卻十分回味。

近年主力拍電影的姜皓文首次主演無綫劇集《鐵探》,多年後重操故業拍電視劇的他,相當回味過去的美好時光,他說:「拍電視劇由我出身到依家都係辛苦,因為拍電影多人服務你,電視劇就一腳踢,但好享受拍電視劇成班人一齊衝,去完成一件事嘅感覺。」

人情味搵唔番

之前為劇集客串的他坦言已有劇癮,今次在《鐵探》與不少前亞視藝員如吳廷燁、林偉等合作,更勾起不少回憶:「以前喺亞視拍劇,試過四星期冇返屋企,帶備毛巾、牙刷喺公司化妝間、服裝間、大堂梳化瞓,諗番好正、好開心、好回味,以前嘅人情味依家係搵唔番。」

拍「阿媽」盧宛茵最神奇

講到今次的臥底角色相當立體,他表示接到角色洽談時已「流口水」,與惠英紅飾演上司下屬,故事牽涉到警隊高層權鬥,他說:「之前拍《翠絲》同紅姐第一次合作,今次佢教我好多,揣摩角色、演繹,佢係好關心對手嘅演員。」而近日播出一場探監戲,講述飾演其母的盧宛茵探他時,他才發現母親患腦退化症,場面相當催淚,他憶述說:「同盧宛茵仲神奇,第一次合作,大家冇乜溝通下拍呢場戲,佢好畀到我感覺,大家好似打乒乓波咁,互相接到先出到呢啲感覺。」

問到對第一套無綫劇集的期望,他笑說:「實食冇黐牙!我驚收視太勁唔好意思,睇觀眾接唔接受,套劇好多賣點,惠英紅十幾年冇拍劇,我又係無綫第一套,唔會點輸!」

23  

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()