惠英紅早前連奪香港電影金像獎及亞洲電影大獎的最佳女配角,今晚她盛裝打扮在旺角筵開八圍,宴請圈中朋友、媒體及贊助商慶祝,她表示得獎後有一連串工作,但有一些是在得獎前已接下,因此沒有加價,自稱是身酬超偏低演員:「片酬唔好買餸咁拉拉扯扯講價,如果我開到好高,你又開唔到戲就唔好,最緊要尊重,希望皆大歡喜。」問到下一個計劃是否結婚?她笑說:「都同你哋冇咩關係喎!畀唔畀我已經嫁咗呀?(私生仔都有埋?)女就有一個(意指狗女)!其實依個階段好開心,唔心急啦(結婚)!」

講到主演無綫劇《鐵探》尚餘十集大結局,成為熱話,她直言對收視有信心,不擔心鄭少秋主演的ViuTV劇集對撼:「我哋播咗廿集,大家都習慣咗睇,佢嗰套就上網再睇番啦!(你個角色成日畀人鬧喎!)係呀!前兩晚我落街放狗,後面有人好惡嗌『萬晞華』!我擰轉頭,佢就話『我好支持你呀』,又有內地網民鬧我老毒婦,問我幾時死,鬧毒都算,做咩鬧我老喎!不過呢十年我都未試過咁入屋,出街都好多人送嘢畀我又合照,好開心!」對於她之前劇透繼洪永城後,細仔楊明都會身亡,她表示不擔心觀眾不滿:「唔驚!我對自己演繹有信心,即使知道咗再睇都會鍾意。」她又透露有跟監製蘇萬聰傾再合作,但題材會不同。19  

tvb4life 發表在 痞客邦 留言(0) 人氣()