袁偉豪與楊明於南美哥倫比亞為無綫節目《打工捱世界3》拍攝,在劇集《鐵探》中相當有型的垶Sir同Matt Sir,每日都為破案捉賊而辛苦,不過去到哥倫比亞,他們就要化身礦工,深入地下200米的礦洞採礦,穿梭當地兩個大城市麥德林及波哥大,全程18日行程,他們要坐11程飛機,袁偉豪坦言:「講真,拍到第三輯,同2016年拍第一輯比較,年紀大咗,舟車勞頓之後會容易啲攰,體力冇咁好,我哋去到呢啲國家,每日都要食藥,食完之後就會有身體反應,想作嘔作悶,最辛苦係去做礦工,今次係人生第一次入礦洞,感覺自己入咗蝙蝠俠嘅洞一樣,又要坐內陸機再坐六小時車,礦洞好深,冇乜流通嘅空氣,都幾辛苦,所以好敬佩啲採礦工人。」完成採礦工作後,他們又要坐五小時山路車程返回市區,袁偉豪笑言自己都是一個車手,但坐完那程車後,一落車即嘔。

化身教練訓練靚女

此外,袁偉豪表示較輕鬆的拍攝就是跟哥倫比亞一眾準備選美的佳麗,那兒一年有400多場選美會,當地的女仔自小已為選美作準備,他謂:「嗰度好多選美會,咖啡小姐、模特兒小姐、花生小姐,我哋就同佢哋Training,佢哋由15歲至20幾歲,佢哋全部都好靚,應有盡有,輪廓相當鮮明。」另外,他們亦有到麥德林貧民山區做義工,跟小朋友踢波,又煲湯給那兒的居民,相當有意義,之後攝製隊便會到亞馬遜拍攝數天18  

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()