陳煒近年拍無綫劇人氣急升,加上美食節目《煒哥的味道》令其「美女廚神」形象入晒屋,日前到街市拍攝代言廣告時,她的出現令一眾趕買餸的師奶停步湊熱鬧,有人高呼「好靚女」,亦有師奶把握機會翹手臂「集郵」,煒哥來者不拒,氹得一班師奶相當開心!

不過,鏡頭前煒哥卻要與一班師奶爭買餸,她游走菜檔、海鮮檔及肉檔入貨,但每逢出手即遇「師奶團」搶灘,被搶菜、搶肉,連去到海鮮檔買蟹都被師奶一手搶走,嬲得煒哥大叫:「隻蟹我架!」

同檔主好熟

現實生活中煒哥稱本身都是這個街市的常客,經常來買食材煲湯:「唔食嘢都要煲靚湯,呢個街市係我放工返屋企必經之路,買肉、買豬骨煲湯。(見你街坊計平啲?)就算唔平畀你都畀最靚最新鮮嘅。都有人會請教我點煮,所以都好驚喜。」她更指與各檔主都好熱情,其實小時候已經跟媽媽出入街市,她笑言:「最緊要同檔主熟,佢哋先會畀好嘢你。」

酬金破紀錄

問到何時再拍《煒哥的味道2》?她謂:「我都有問杜生(杜之克),我冇嘢做啦點算,佢都話好快會開。」要好好準備?她舉起雙手笑言:「我已有兩手準備啦,有齊晒,唔使擔心」講到今次代言酬勞?她坦言:「大家係第一次合作,亦係我破紀錄最高,合作班底又係好熟,所以好開心。」

15  

tvb4life 發表在 痞客邦 留言(0) 人氣()