蕭正楠、黃祥興正於吉隆坡為無綫節目《男神愛下廚2》拍攝,二人昨晚去了當地的唐樂夜市街頭拍攝,引來不少當地人圍觀,相當熱鬧!阿蕭同祥興一唱一和,阿蕭更與現場Cute爆的女生互動,問她們喜歡肥肉還是瘦肉,當女生們大叫瘦肉時,他即時揀瘦肉放入攪拌機內。其後祥興用生果整麵,阿蕭又搞氣氛問大家:「邊個有便秘問題?」真係有人答佢喎!阿蕭即刻同佢講:「咁你一陣食火龍果味啦!」相當貼心!阿蕭又整咗個好特別嘅蔬果汁畀大家試,氹得當地圍觀者相當開心,而祥興就一邊收納意見,一邊專心整嘢食。由於當地天氣炎熱,而煮的食物大部分都是極辣的,二人於街頭對着大鑊拍攝,認真高「㷫」!

另外,佢哋之後都會有嘉賓加入拍攝,邊個?有阿蕭又點可能冇曹永廉呢!阿廉之後就會飛過去吉隆坡會合佢哋拍攝,阿蕭接受訪問時笑言:「呢幾年我去到邊都會有佢喺身邊,佢正冤鬼!」

 

12  

tvb4life 發表在 痞客邦 留言(0) 人氣()