在節目《3日2夜》中爆肌彈出嘅楊潮凱有唔少工作機會,之前處男下海主持《BB要健康》盡顯父愛,在新劇《鐵探》中又變身無惡不作的黑社會大壞蛋,人氣急升,仲同蔡思貝傳埋緋聞,作為人夫的楊潮凱不慌不忙說:「蔡思貝係惹火嘅,但我問心無愧,只要太太、家人明白就得。」

  剛與TVB完結經理人合約的楊潮凱喺新劇《鐵探》中演為人狂妄嘅黑社會大哥,他猛話拍得好過癮:「角色壞事做盡,最難忘係喺蔣祖曼前度梁競徽面前,拉蔣祖曼入法院殘廁蹂躪,真係衰到不得了,同《BB要健康》主持人形象有好大落差,但演員係乜角色都要做,我相信觀眾分得好清楚,唔怕影響形象。我反而好期待觀眾同我講:『我好憎你!』即係等於認同我演得好。」

  楊潮凱又指囡囡好旺他:「就係因為佢,我先可以掹車邊做到《BB要健康》主持,同林盛斌、陳敏之合作學到好多嘢,又吸收咗好多關於照顧BB嘅專業知識,都好想有第2輯,到時可以玩更多嘢,如去世界各地探討唔同地方嘅傳統湊仔方法。(學會咁多,會唔會追多個?)暫時唔好喇,因為湊小朋友真係好攰,24小時照顧佢,o氹佢玩無得停,我要平衡空間。」而過往零緋聞的他,最近被指「搭上」蔡思貝,當事人形容得啖笑:「只係食完收工飯順路車埋佢返屋企被影到,老婆好信我,話『無嘢就OK啦!』其實順路車埋同事好平常,無必要多作解釋。當然,蔡思貝係惹火嘅,又係香港小姐亞軍梗係靚女,不過,做人行得正企得正就唔使怕,唔通因為佢惹火就無朋友做咩?」

 

11  

全站熱搜

tvb4life 發表在 痞客邦 留言(0) 人氣()