寶珮如師奶生活
贊助商連結
前亞視藝人寶珮如，一一年下嫁有「廉署鄧浩光」之稱、任職廉署高層嘅圈外男友鄧秋雄，做咗鄧太之後，都好少喺螢光幕露面。不過，佢早前參演電影《藍天白雲》，仲成為今屆香港金像獎嘅「最佳女配角」嘅候選人之一，演技非凡。
東姑早前喺大埔一間茶檔，巧遇寶珮如，見佢約埋一個中女朋友食晏喫魚蛋粉，身邊仲有師奶恩物、買餸用嘅手拉車仔一大架，好明顯佢都係專注做「鄧師奶」，過住日日家庭「煮」婦嘅生活，至於演藝工作，相信都係玩票性質。期間，仲見佢電話唔離手，一邊食河粉，一邊不停傳短訊，應該係同老公互相報告緊行蹤。睇嚟呢位師奶，生活都幾幸福！
寶珮如憑住電影《藍天白雲》嘅精采演出，入選今屆香港電影金像獎嘅「最佳女配角」。
寶珮如拖住師奶恩物手拉車仔，似係啱啱買完餸，約埋朋友食晏。
佢一邊喫魚蛋粉，一邊手機唔離手，不停掛住同老公仔傳短訊，互報行蹤，一副幸福師奶嘅模樣。
全站熱搜
留言列表
