一門多傑 向展傑

贊助商連結

向氏家族在中港兩地知名度甚高,最出名莫過於中國星集團老闆向華強,而其大哥向華炎的三十一歲兒子向展傑(Edfeel),則相對地低調。

比起出現在螢光幕前,向展傑更樂於從事幕後工作,今年二月加盟蘭桂坊集團的「LKF TV」,負責策劃節目及市場營銷。他笑言,不適合活在鎂光燈下。
「好老實講,我唔會主動同人講我屋企人係邊個,其實我講自己姓向,已經好容易令人聯想起個background。外界對我哋嘅想像太多,但向家都有好多唔同種類,我屋企其實同一般香港家庭無分別,非常貼地!」

向展傑笑言,其英文名Edfeel經常被人誤讀。「我細個好鍾意巴黎艾菲爾鐵塔(Eiffel Tower),於是我將呢個法文拼做英文名Edfeel,由中學用到向展傑笑言,其英文名Edfeel經常被人誤讀。「我細個好鍾意巴黎艾菲爾鐵塔(Eiffel Tower),於是我將呢個法文拼做英文名Edfeel,由中學用到o依家,但好多人都會讀錯做Mathew,又或者以為係止痛藥(Advil)!」

贊助商連結

貼地平民

向展傑生於大家族,兩位叔叔向華強及向華勝於娛樂圈皆很有名,父親向華炎更是十三個兄弟姊妹中排行第一,身為長子嫡孫的向展傑,理應要風得風,不過他卻耍手擰頭說:「今日我都係隻身一人嚟,從來唔會有車跟出跟入,就知我唔係喇!」

於香港大學經濟金融系畢業的他,在香港土生土長,聲言由細到大都沒有豪華享受,更沒有特別待遇,與普羅大眾一樣,都常用八達通:「我梗係識用八達通啦,平時返工都係搭地鐵同巴士,細個仲會日日行十五分鐘返學,唔會有車嚟接送,亦唔會有人嚟服侍我。o依家lunchtime我都係去大家樂、大快活同太興食嘢,啲朋友都嫌我悶,但我覺得夠快、夠方便、又抵吖嘛!」

他曾於Log On做買手,又在LVMH集團旗下珠寶品牌Chaumet擔任市場營銷,及在Dragon-i工作,初踏足社會,不靠家族人脈關係,通通靠網上搵工。

「好多人以為我屋企識咁多人,可以搵人搭路做嘢;咁講真,係真係可以搭路,但我唔想人哋因為我係某某某而請我,而係因為我嘅能力,所以我自己上jobsdb、HeadHunter搵工。嗰時啱啱出嚟,賺錢好少,同一般大學生差唔多,自己賺自己使,唔會問屋企人攞錢。」

要在職場站隱陣腳,除了靠自己努力,都要有貴人扶持,向展傑特別點名英皇集團老闆楊受成為他工作上的貴人。「我喺Dragon-i做咗三年marketing,呢三年真係獲益良多,我同楊生係亦師亦友。亦師係因為佢喺呢行好有經驗,教我點待人處事;亦友係因為佢係一個好friendly嘅人,當我哋(同事)係family咁,就算我o依家離開咗(Dragon-i),都會同佢保持聯絡。」

八歲時,他於香港新界獅子會週年就職典禮上,被邀請上台獻唱。

 

於香港大學經濟金融系畢業的他,畢業禮當日獲父母及胞姐前來祝賀。

 

早年他回到喇沙書院出席舊生會春茗,與舊同學敍舊:「我久唔久都會返喇沙探老師,學校開放日我都會去。」

文章標籤

全站熱搜

tvb4life 發表在 痞客邦 留言(0) 人氣()