篋神

贊助商連結

明星成日要做「空中飛人」,一身見得人嘅機場look,自然成為焦點所在。想突圍而出?惟有靠靚篋撐場面。近日受唔少紅星熱捧嘅Louis Vuitton Horizon 50/55 Monogram旅行篋,成為「機場時尚」大熱item,價錢同樣星級價,由$19,300到$43,000不等。係得呢個「篋神」,先襯得起一眾男神、女神!

劉嘉玲二萬嫌貴

攞得LV篋去旅行,個個都非富則貴,身家億億聲嘅劉嘉玲,視兩萬如散紙,拖住同樣價值$22,500嘅女裝LV啡篋去遊埠,當然屬家常便飯。但奇就奇在,嘉玲竟然喺網上話個篋「超貴」,原來佢都會睇住價錢買嘢!

 

 

 

碧咸時尚icon

講真,貴為萬人迷,無論碧咸(David Beckham)着咩衫、拖咩篋,喺機場行出嚟嗰吓,個型仔樣已經搶晒fo,與其話價值$22,500嘅LV黑篋時尚,不如話個篋拖喺碧咸手上,平平無奇都變時尚icon!

  

范冰冰專屬訂造

撞衫、撞鞋、撞手袋,唔少明星都會同人撞到正一正,撞篋自然唔少得,如何喺撞款之下凸顯高一層次嘅時尚?范冰冰就成功破解喇,喺篋上印有英文縮寫「FBB」,專屬感即時提升,咁就唔怕同人撞喇!

 

楊丞琳V.I.P專利

早前先被邀請到巴西里約熱內盧出席LV時裝騷嘅楊丞琳,喺網上再晒V.I.P專利,獲LV贈送印有英文縮寫「R.Y」嘅新款旅行篋,仲話已經迫不及待想拉住個篋周圍走,我哋呢班有份睇無份用嘅網民,惟有望圖止渴!

 

tvb4life 發表在 痞客邦 留言(0) 人氣()