家居變智能 「掃」舊迎新

贊助商連結

年廿八洗邋遢,好多人都會在農曆新年前打掃家居,呢個除咗係清掉垃圾和舊物嘅好時機,仲可以順便換埋新家電。原來新一代家居清潔和個人衞生工具,都植入智能功能,可透過手機App遙距操控和監控設定,各位不妨喺狗年齊齊將家居智能化啦!



新一代家居清潔和個人衞生工具都植入智能功能,打造智能家居話咁易。

清潔篇:吸塵機械人 自動擬定路線

大掃除當然要抹乾淨地板,以便新年招呼親友,Ecovacs Robotics出品的抹地機械人Deebot Ozmo 930就幫到手。它結合掃地、吸塵及拖地功能於一身,內置Smart Navi雷射導航技術,配合防撞感應器,撳個Auto掣就會自動走勻全屋,掃描室內地圖及擬定清潔路線。機底備有雙滾刷及吸口,可吸入塵埃和毛髮;另可加設抹布配件及水箱,掃地兼拖地一Take過。還對應《Ecovacs》手機App,讓用家遙距控制開關、實時監測狀態、預約清潔及設定模式。


App內可實時查看模擬地圖及清潔狀況,清晰易明。

Deebot Ozmo 930機面設有Auto鍵,一按即會走勻全屋掃描兼吸塵。 售價:$7,198(a)

Deebot Ozmo 930會自動製作虛擬地圖,用家可以手機設定封鎖區。
以App為據 刷靚牙齒

屋企抹到乾乾淨淨,個人衞生一樣咁重要。採用聲波震動科技的Philips Sonicare DiamondClean Smart 9500,外形同一般電動牙刷冇乜分別,卻植入一系列智能刷頭和智能感應系統,可經藍牙與《Sonicare》手機App連接。App內可實時偵測用家正使用的刷頭,並自動調校至合適刷牙模式;犀利在可實時偵測並顯示口腔圖追蹤刷牙位置,還支援刷牙力度壓力感應,確保用家刷得乾淨又唔傷牙齒。


Sonicare DiamondClean Smart 9500採用聲波技術,以每分鐘31,000次高速擺動刷毛。 售價:$1,998(b)

刷牙乾唔乾淨,《Sonicare》App上一目了然。
同場加映:免攀爬抹窗好幫手

窗口一向是較難清潔的地方,Ecovacs Robotics出品的抹窗機Winbot 950,撳個掣便可自動執行抹窗任務。它透過機底的可拆式軟墊進行清潔,再用刮刀清除灰塵及污垢。另支援Smart Drive系統,偵測窗戶邊緣及障礙物;加上提供遙控器讓各位手動控制清潔路線,使用更加方便。


Winbot 950可於面積45×45cm或以上的窗戶使用。 售價:$5,188(a)

底部設有可拆式軟墊,噴上專用清潔劑便可使用。
健康篇:實用智能磅 圖表分析

體重磅好多人屋企都有,但淨係知道身體幾重始終未夠全面。Nokia Body+智能磅可同時計算出體脂百分比、肌肉質量、水分、骨質量、體質指數等多項健康數據。另可透過Wi-Fi或藍牙同步至《Health Mate》手機App,直接將數據整理成不同圖表;磅上的屏幕可顯示最近8次體重變化趨勢,新年Keep Fit就啱晒。另一實用之處係能自動辨識8位用家,並將相關用家數據同步至App上,一家大小使用都冇問題。


Nokia Body+設計簡約,以4枚AAA電池驅動,表面用上強化玻璃。 售價:$828(c)

設有液晶屏幕,可顯示不同健康資訊。

數據可同步至《Health Mate》App,並以圖表顯示。
冷暖氣調控 手機搞掂

不少人屋企都會安裝冷暖氣機,冬天開暖氣,夏天開冷氣,幾乎日日都要運作。想調控屋企嘅溫度,可考慮由港人研發的智能配件Ambi Climate 2。用家可於《Ambi Climate》手機App設定舒適、溫度、離開及手動4個模式,機身便會發射紅外線代替遙控器設定冷暖氣機。產品更支援人工智能技術,用家只要於App反映太熱、剛好、有點冷等,系統便會分析濕度、天氣、時間再自動調節溫度,唔使用家手動設定咁麻煩。


Ambi Climate 2用上白色霧面機殼加淺色木材底板,設計甚有北歐風味。 售價:$999(d)

App可反映用家對環境溫度的感覺,系統會根據數據自動調節冷暖氣機。
柔和床頭燈 隨時轉色

香港人成日對住手機和電腦,家居燈光對於眼睛健康尤其重要。想夜晚有合適燈光,又怕打擾屋企人安睡,可試吓米家床頭燈,它採用專利混光技術,提供1,600萬種燈光顏色選擇及亮度調校。除了可透過燈罩頂部的觸控面板調控亮度、顏色及彩光、日光、流光等燈光情景模式,用家亦可透過《米家》App遙距操控床頭燈。如果用開小米手環的話,更可與床頭燈配對,當手環識別用家入睡後便會自動關燈。


米家床頭燈支援多種燈光模式,操控簡便。 售價:$319(e)

《米家》App可調控燈光顏色,色溫範圍為1,700K至6,500K,最大亮度為300lm。

查詢:(a)2262 1988、(b)2619 9663、(c)health.nokia.com/hk/en/、(d)www.ambiclimate.com、(e)www.mi.com/hk/mi-bedside-lamp/

撰文:林子聰

攝影:張錦昌

模特兒:Koei(Reborn Production)

全站熱搜

tvb4life 發表在 痞客邦 留言(0) 人氣()