王君馨淡妝駐場

贊助商連結

由王君馨一手一腳打造嘅自家品牌飾物,即使一五年先成立,但發展迅速,除咗喺香港開店外,喺馬來西亞亦都已經有四間分店;而上年底,佢又踩過界賣埋時裝添。

既要拍劇,又要做生意嘅王君馨,真係忙到甩轆,啱啱拍完新劇《是咁的,法官閣下⋯》,佢即刻又埋首打理盤生意,見下月係情人節,佢仲喺銅鑼灣嘅百貨公司擺攤檔速銷飾物。日前,東姑咁啱就巧遇佢親身到場打點,由飾櫃到枱上嘅飾物,佢都好細心咁擺放;而身邊嘅員工都不敢怠慢,默默咁企埋一邊,留心老闆娘嘅一舉一動。不過,由於佢無乜化妝,整理好攤檔後,同員工交低幾句便走人。

 

贊助商連結

薄施脂粉嘅王君馨,日前喺銅鑼灣擺攤檔賣自家飾物,可能係第一次進軍百貨公司,佢全程落手落腳擺放首飾,十分緊張。

 

老闆娘大駕光臨,一班員工們當然要專心聆聽佢嘅指令。

 

佢不時送啲飾物畀好姊妹,而大家亦都好識做,齊齊戴上做生招牌,大收宣傳之效。

全站熱搜

tvb4life 發表在 痞客邦 留言(0) 人氣()