何雁詩東京拍拖斷正

贊助商連結

鄭俊弘(Fred)同何雁詩(Step)呢一對,自從去年認戀拍拖之後,雙雙形象大插水。女嘅傳情緒波動搞到鎅手自殺;男嘅又話虐狗。不過,佢哋兩位當事人依然愛得癡迷迷。好似早前東姑去日本旅行,喺新宿歌舞伎町一間遊戲機中心,居然都畀東姑撞到佢哋,拍住拖去玩夾公仔。

明知道日本多香港遊客,見Fred同埋Step都好煞有介事,齊齊戴住黑色口罩遮住個樣。不過,玩起上嚟難免忘晒形,兩個只係沉醉於二人世界,對住部夾公仔機,睇準個Little Twin Stars狂夾咗個幾鐘頭,玩到似老竇姓乜都唔記得。同場仲見到有「天下第一關」之稱嘅鄭紹康,但佢兩個淨係自己顧住玩,玩到好似完全唔識人咁,睇嚟真係戀愛大過天喇!

 

贊助商連結

Fred陪女友Step拍拖遊日本東京,期間狂玩夾公仔。原先,兩人都有戴口罩,但Step玩到鬆懈,口罩愈拉愈低。

 

兩個沉醉喺二人世界裏面,竟然冷落咗有「天下第一關」之稱嘅鄭紹康,玩到似唔識人。

 

佢哋瞄準一部夾公仔機夾Little Twin Stars公仔,相信係Step心頭好,而Fred為冧女友,惟有搏命夾。

    全站熱搜

    tvb4life 發表在 痞客邦 留言(0) 人氣()