天賦的禮物 鄺文珣

贊助商連結

○六年下嫁製衣商人應德榮,已是兩子之母的前無綫藝人鄺文珣(May),自從泊得好碼頭後,毅然退出娛樂圈,享受家庭生活,早就成為別人眼中的幸福少奶奶。

不過,美滿婚姻並非來得輕易,有指當年因丈夫情緒出現問題,經歷長達五年婚姻危機的她,足足用了兩年時間修補關係。早前她四十二歲生日,再度宣佈懷孕四個多月,更坦言是兩夫婦最好的禮物:「一切都係計劃之外,本來無諗過再生BB,但先生一直都想追多個,既然個天畀咗我,相信會係一份好好嘅禮物!」

幸福從來沒有捷徑,只有無私的經營。

天生麗質的她,笑言前兩胎均沒有刻意進補,但今胎會特別注重保養:「之前我係會唔理,有咩食咩,照飲檸茶、奶茶,o依家我會整雞湯、肉汁、花膠同燕窩食,補充營養。」

 

大肚減磅

贊助商連結

即將是三子女之母的鄺文珣,少女味依然極濃,就算懷孕四個多月,手腳仍舊纖瘦,當日更獲丈夫陪同前來受訪:「老公知道我有咗BB後,特別緊張,負責買餸煮嘢畀我食,又會接送小朋友,樣樣嘢都好照顧我。」

相隔六年做高齡產婦,鄺文珣指自己猶如新手媽媽,懷孕初期更胃口大減,體重急跌。「我頭兩個月幾乎食唔到嘢,好多孕婦都會有morning sickness(孕吐), 但我連夜晚都有,全日都好唔舒服,一食嘢個胃就會頂住咗,完全食唔到嘢,好辛苦!一諗起食物、餐廳兩個字都想反胃,就連落牀嘅力都無,唔想出街、唔想離開間房,呢個狀態維持咗兩、三個月,成個人瘦咗好多!」

雖然佗得辛苦,卻掩蓋不了她對新生命來臨的喜悅,已知道BB性別的她,大賣關子,並坦言對於懷孕一事曾感到相當恐懼。

「咁多年嚟,我都同自己講唔適合再生多個BB,已經有兩個囝囝,驚會應付唔到。有好多諗法阻止咗我,但先生一直都好想要,我成日逃避佢。直到今年,我開始反省自己,唔想成日畀恐懼嚇親自己,我就祈禱同神講:『我想克服恐懼,如果你認為我應該有BB,你就畀我啦!』之後嗰個月就發現自己有咗,我諗一定係神畀我嘅,所以我知道嗰一刻,真係好Shock(震驚)!」

○六年結婚的她,與丈夫應德榮相處十六年,經歷過不少風風雨雨,「佢好愛我,咁多年都係,大家都學習點去磨合,雖然學習過程好辛苦,但都值得。」

 

去年鄺文珣(左二)一家四口與孫耀威及陳美詩出席慈善晚宴,「大仔性格比較內向啲,細仔就直接啲,佢哋要玩就會搵爸爸,要安慰嘅時候就會搵我。」

 

兩個囝囝均就讀國際學校,她表示自己不是怪獸家長:「佢哋無咩嘢學,兩個仔都學踢足球,大仔再學埋大提琴。」

    文章標籤

    天賦的禮物 鄺文珣

    全站熱搜

    tvb4life 發表在 痞客邦 留言(0) 人氣()