upload_article_image

獲羅嘉良親授做奸人秘技 羅仲謙開心到瞓唔着

贊助商連結

謙謙夢想成真了!

撈家和謙仔合作得開心,還講明新年願望是開拍該劇續集。

羅嘉良和羅仲謙合作劇集版《無間道》。

贊助商連結

羅嘉良(撈家)和羅仲謙都承認今次接拍劇集只因對《無間道》這個品牌有信心,加上對監製梁家樹以及製作團隊信任,但謙仔就多了個重要原因,就是可以跟兒時偶像羅嘉良合作,謙仔直言:「細個已經好鍾意睇嘉良哥做戲,好似《天地豪情》、《天地男兒》同埋Mrs. Diana《先生貴性》咁,所以諗都唔使諗就答應演出啦!」

二人甫合作就一見如故,還不時摸住酒杯底談天。

可以跟兒時偶像合作,謙仔想也不想就答應演出啦!

能夠夢想成真,謙仔事前都有向曾和撈家合作過的老婆楊怡取經,「阿怡同嘉良哥都好有緣㗎!(撈家:我哋合作過《衛斯理》嘛!)唔單止,佢話你有次頒獎禮攞視帝,係佢拖你出嚟㗎!」撈家想了想,「應該唔係第一次攞獎,第一次冇人拖,應該係第二、三次。」謙仔補充:「估唔到咁樣兜個圈,我哋又會有機會合作。同埋我同嘉良哥同姓三分親,仲要大家都係客家人嘛!(有冇查下族譜?)嘉良哥話我哋祖先係做大官㗎!」撈家說:「係幫皇帝手㗎!」

謙仔老婆楊怡跟撈家合作03年劇集《衛斯理》。

原來撈家和謙仔不但同姓,還同樣是客家人。

談到合作時,謙仔更加興奮:「嘩!嘉良哥啲眼神真係好勁,佢帶咗眼鏡啲眼神更加深沉難測,我成日唔使埋位都喺度睇佢做戲,好似有場講佢同鴻哥(郭政鴻)對鬧嘅戲,我同王陽睇通告知道專登喺度等睇呢場戲。」撈家亦認同帶眼鏡造型的確幫到手,「做奸角係好玩好多,但造型真係好重要,好多謝Tommy(梁家樹)諗到呢個造型,個眼鏡真係令到觀眾唔係咁易睇得透『韓朗』嘅內心。」

謙仔大讚撈家的神真強勁。

劇中「韋峻軒」(謙仔)由10歲開始已被「韓朗」(撈家)操控。

除了做觀眾,謙仔最開心當然是獲偶像親自提點,「一開頭嘉良哥已經有提點我,佢話我對眼天生太大,做今次呢個角色唔係太適合,要搵方法令佢感覺混濁啲先得。」撈家說:「佢對眼太黑白分明,做正義警察就無問題,但今次呢個係黑警就唔係咁啱。」謙仔說:「後尾我索性專登瞓少啲,咁對眼會冇咁大,因為我個角色係無理由有一日瞓得好嘅。」

撈家戲中狂追餐廳老闆娘廖碧兒。

劇中謙仔跟演劉松仁女兒的內地演員朱銳有一段情。

    全站熱搜

    tvb4life 發表在 痞客邦 留言(0) 人氣()