陳詩欣敲爛警鐘全校走火警

贊助商連結

歌手陳詩欣(Eunice)長有小酒窩及甜美笑容,外表乖巧的她小時候原來是「破壞王」,她自爆6歲讀小一時因手多敲爛學校警鐘,搞到全校師生誤以為火警衝落操場,Eunice說:「細個真係好曳,試過有次上體育堂,排隊見到隔籬有個警鐘,我就多手去敲搞到全校走火警。」



咪睇陳詩欣外表斯斯文文,原來細個係百厭妹嚟!

問到有否被記大過?Eunice說:「以我印象好似係罰抄,冇見家長,我亦都冇同父母講呢件事。(打爛鐘嗰刻有冇好驚?)梗係驚啦,覺得乜咁易爛o架,只怪自己好奇心太重。」身為妹妹的Eunice坦言做細最好,她說:「一定多人錫,家姐大我五年咩都會讓我,印象最深係小學一放學,即同佢衝返屋企睇電視,但每次睇睇吓就會一齊瞓着。」

下巴尖尖的Eunice表示不時遭網民誤會「做了手腳」:「我下巴係真o架,啲人成日話我假,所以久唔久將啲童年相上載去網誌,畀大家睇天生下巴係尖嘅。」


陳詩欣(中)和家姐(左)感情非常好。

陳詩欣小時候已有酒窩和尖尖下巴。

    文章標籤

    陳詩欣

    全站熱搜

    tvb4life 發表在 痞客邦 留言(0) 人氣()