蔡思貝Lonely生日 食飽就瞓

贊助商連結

剛迎接27歲生日的蔡思貝,開心收到好劇本作為生日禮物,不過父母因航班延誤未能趕返港,她一個人度過孤獨生日!至於馬國明農曆新年放假幾天,預告會睇戲,未知是否約定女友黃心穎?



蔡思貝生日過得好孤單,收劇本當禮物。

藝人蔡思貝、馬國明、胡鴻鈞、陳凱琳、黃智雯、「蝦頭」楊斯敏、何廣沛、陸浩明等昨日到元朗為節目《降魔的捉妖遊戲》進行拍攝,思貝繼《使徒行者臥底遊戲》再次挑戰Game騷,怕凍的她說:「上次去泰國最多都係曬,冬天感受就好唔同,多室外部分,前兩日仲要濕身。」2月6日是她的27歲生日,思貝在工作中度過了孤單的生日:「我返咗公司開會,講新劇角色同故事,呢個角色好有挑戰,我當係一份禮物。(約人食生日飯?)冇呀,夜晚食完飯就瞓,幾Lonely。原本約咗父母,但佢哋當日喺台灣返香港時Delay咗,已經約咗佢哋過年前補祝番。」

馬國明「放風」約睇戲

同場的馬國明、胡鴻鈞都期望《降魔的》除了能開拍Game騷外,亦像《使徒行者》開拍電影版,馬國明說節目在農曆新年前拍完,會有幾天假期,問可會趁機多睇幾部戲?他笑說:「會呀,身為演員唔開工時都會睇戲,吸收吓。(約埋女友黃心穎?)咁我又真係好少一個人睇戲。」身旁的胡鴻鈞聞言即說:「可唔可以約埋我?(做電燈膽?)兩個男人睇都得,等馬明約我!」


黃心穎:記得約埋我呀!(設計對白)

馬國明計劃放假去睇戲。

何廣沛(右起)、蝦頭、何依婷、余德丞、陸浩明食嘢暖吓肚。

文:影視組

    全站熱搜

    tvb4life 發表在 痞客邦 留言(0) 人氣()