賢師出高徒 張詠賢

贊助商連結

為人師表甚艱難,要在香港執起教鞭更艱難,但張詠賢(Jennifer)懶理外來壓力,決意投身教育行列,原因只有一個:「因為我好鍾意細路哥!」父親是心臟外科醫生張力正,母親是「嘉頓新抱」、Carnet珠寶創辦人張王幼倫,身為家中孻女的她,卻不走父母舊路,選擇由零開始,畢業後到深圳試教一年,再回港專職做英文教師。「求學一定唔係求分數,讀書叻都唔代表你未來會搵到份好工,以我呢行為例,讀書好叻嘅人都唔代表佢識教書,反而最緊要係睇你有無耐性,想成功,就要做自己鍾意做嘅嘢!」有父母的明燈指引,張詠賢又怎會行錯路?

 

贊助商連結

雖然每周都要留家預備課堂資料,但她仍會抽空做運動:「平時我四點半放工之後,有時間就會去做gym同游水。」

 

她(左二)與(左起)胞兄張嘉慶、胞姐張詩賢及父親張力正,每年都必定出席支持母親張王幼倫(中)的領賢慈善基金活動。

 

北上駐教

小六已到英國讀書的張詠賢,仍保留不少外國口音,於英國倫敦大學地理系畢業的她,曾做過四份政府工,但都因抵不過厭悶生活,寧願轉行搵新出路。「當初我揀讀地理科,無諗過搵唔搵到食,純粹係因為鍾意。初時我喺香港同英國,做過幾份有關環保署同貿發局嘅暑期工,但日日坐喺office對住四面牆,唔係就對住部電腦,真係好悶!覺得唔適合自己,就諗自己咁鍾意細路哥,不如走去教書啦!」

畢業後,她首先到深圳教書,打算乘機學普通話,每逢周一早上六點,便到灣仔碼頭乘坐皇崗過境巴士到深圳,再轉乘的士到羅湖區百仕達小學返工,直到周五才回港休息。
「當時我啱啱出嚟教書,負責教小一,真係搞唔掂啲細路哥,尤其啲秩序最難搞。返工第一個星期,直情失咗聲,成日要叫佢哋安靜,返到屋企都要係咁飲檸檬水,滋潤番喉嚨。」

長駐深圳工作一年,自然要搵間安樂窩,以張詠賢家庭財力,大可搵間千呎大屋豪使豪住,不過她寧願在寄宿家庭生活,體驗當地人的文化。

「呢個係我嘅選擇,想要學好普通話,就要融入人哋嘅生活,初初都有啲唔慣,佢哋屋企無客房,我就用佢哋嘅書房(瞓覺),書房有sofa bed。平時我會同(寄宿家庭)媽媽爸爸講普通話,同佢個仔就會講英文(做其私人補習老師),久而久之真係練到(普通話)返嚟。」

張詠賢(左)有個孿生姐姐張詩賢,她笑言小時候經常被母親安排着同樣的衣服:「有一個twins sister幾好,我哋可以share好多嘢,又可以互相幫大家, 唔會比較。」

 

從小與胞姐關係親密,直到小六才與家人分開:「我細個喺德瑞國際學校讀書,小學五、六年級就去咗英國讀書,同家姐要分開,初頭真係好唔慣。」

    文章標籤

    張詠賢

    全站熱搜

    tvb4life 發表在 痞客邦 留言(0) 人氣()