關寶慧慘遭縫嘴斷食當減肥

贊助商連結

關寶慧為新片創新難度,挑戰驚嚇妝容,慘被針線縫實雙唇,搞到斷水斷糧,但她笑指可以變相減肥,還透露雙手都有特技化妝,搞到去廁所都困難重重,認真大犧牲!



關寶慧與小演員合作新片,稍後則會參演舞台劇。

藝人關寶慧、衛詩雅、林德信與吳耀漢等日前到馬來西亞拍攝新片,其中戲路多變的關寶慧以破格造型亮相,慘被針線縫實雙唇!雖然看起來非常驚嚇,但她卻笑說:「其實咁樣都有好處,因為嗰邊實在太多嘢食!唔單止好食,仲要好平!畀人縫住個口就有晒理由抵抗呢啲誘惑,因為我每次開工都係堅持邊拍邊Keep弗。」

雙手化特技妝 呻如廁難

除了慘被「縫嘴」,關寶慧又透露連雙手都有特技化妝,所以連如廁都非常不便,索性唔飲水!問到有否頂唔順?她即稱自己意志堅定:「開工唔肥得!就算拍完通宵戲,我都一定會着晒『全副武裝』先至瞓。(煞科即破戒?)梗係啦!又食榴槤又食麵,一日食幾餐!」

贊助商連結

不過,關寶慧坦言只能放縱一會,因為除了為ViuTV主持節目,稍後又要與劉玉翠及莫家堯等演藝學院校友排練舞台劇,準備在年末公演:「劇本仲翻譯緊,完成後就會圍讀。(好高難度?)都係!因為我個角色喺外國多數會搵大牌演員做,我唔敢講自己有呢個Level之餘仲要做十幾場。」她又指今次是畢業後首次與劉玉翠合作,非常期待:「我深信大家一排戲就會上晒手,效果應該會好好,但真係估唔到一眨眼就畢咗業成30年!」


關寶慧面對榴槤等美食當前,不禁破戒……一日咁多。

關寶慧慘受「縫嘴之刑」,效果相當逼真!

關寶慧邊拍戲邊Keep Fit,當然要晒吓成果!

文:影視組

    文章標籤

    關寶慧

    全站熱搜

    tvb4life 發表在 痞客邦 留言(0) 人氣()