不需撒嬌的女人 黃巧芸

贊助商連結

誰說女人事業有成,就要放棄愛情?現年三十四歲的陽明山莊太子女黃巧芸(Robin),用事實證明,女強人,不用撒嬌也一樣可以愛情事業兩得意。

爺爺是已故「陽明山莊之父」、僑福建設創辦人黃週旋,父親是僑福企業執行董事黃德華,四姐弟之中唯一接管家族生意的她,一一年再接管由母親林碧瑢創立的Foodlink Foundation(膳心連基金),投身食物環保工作,今年她更多了一個身份——為人母親。

「o依家佗緊六個月BB,雖然又要工作,又即將要做媽媽,但好彩有老公同奶奶照顧我,我唔會因為生咗BB而放棄事業,工作一向係我嘅passion,會繼續做落去!」
懂得經營愛情,又能兼顧事業,有女人應有的本色,還需撒嬌嗎?

黃巧芸指她的英文名Robin,是由父親忽發奇想改的:「佢話嗰時咁啱出面有隻雀仔叫Robin(知更鳥),所以就叫我Robin,但(以我所知)香港都無Robin,我覺得佢係講大話呃我,哈哈!」

贊助商連結

要住最好

外貌有幾分似國際名模劉雯的黃巧芸,作風低調得很,從不活躍於社交場合,卻是陽明山莊及膳心連基金的幕後話事人之一。生於香港的她,一歲已到台灣生活,七歲回港讀書,從小跟家人到處旅遊見識,培養對地產的觸覺。

「細個成日都同阿爺去旅行,周圍去睇樓、睇地盤,就連平時嘅family holiday,爹哋都會帶我哋到訪唔同嘅酒店見識。阿爺話,住酒店一定要住總統套房,因為間間酒店嘅普通房都差唔多,但總統套房就一定係全間酒店最靚嗰間,寧願畀多啲錢去住,學吓人哋啲建築設計。」

於美國Williams College修讀國際政治系的她,中學已到美國讀寄宿學校,但黃巧芸指,當年卻是因為被父母欺騙,才被迫到美國讀書。

「去美國讀high school,根本唔係我嘅選擇,當時我家姐申請去美國讀boarding school(寄宿學校),爹哋媽咪就同我講,不如我哋一齊陪家姐返學,我就只係帶咗個hand carry(手提行李)就咁飛咗去美國嘞。點知去到嗰邊,爹哋媽咪先同我講,佢哋無幫我買回程機票飛返香港,我之後要留喺嗰度返學。呃我去讀書,當時我真係超唔開心,頭幾個月我喊到七彩,好彩有家姐陪住我,咁就過咗四年,o依家諗番都覺得搞笑。」

五歲已回港定居的她,每逢暑假便會回台灣探親:「我哋幾兄弟姊妹,好早已經去晒外國讀書,三姊妹去咗美國,細佬就去咗英國,本來想細佬紳士啲,但佢返到嚟一啲都唔gentleman嘅。」

 

兩夫婦於去年四月在泰國布吉舉行婚宴,於婚宴中首次浪漫起舞:「我老公份人好funny,亦好支持我做foodline,有時佢仲會介紹foodline畀佢啲客人。」

 

身為公司董事的她,親自落區分配食物給老人家。「香港係一個繁榮都市,但其實有好多人都無啖好食,情況比想像中嚴重好多。」

    文章標籤

    黃巧芸

    全站熱搜

    tvb4life 發表在 痞客邦 留言(0) 人氣()