謙謙一腳踢帶去澳洲 楊怡:佢係好抵錫

贊助商連結

楊怡同羅仲謙結婚一年多,恩愛程度有增無減,「愛妻號」當之無愧!日前,謙謙就安排澳洲造人之旅,同老婆去浪漫的澳洲黃金海岸再度蜜月,享受陽光與海灘,實行放鬆心情趕緊造人。其中,楊怡分享謙謙陪玩水上滑梯影片後,謙謙獲網民激讚貼心又體貼,連楊怡接受本刊訪問時,都激讚老公好抵錫!

撰文:東方新地
圖片:東方新地、楊怡 Instagram

贊助商連結

羅仲謙一手安排兩家旅行團

問到楊怡,澳洲之旅係咪老公羅仲謙安排,佢直認係老公負責,仲要出錢又出力:「冇錯係謙仔安排呢次澳洲旅行嘅,因為佢一路好想去澳洲黃金海岸,於是等我拍完劇就一齊去玩,咁當然係佢出錢同出力啦!佢一路都好想帶埋媽咪同家姐去旅行,而且我哋唔係咁鍾意只係兩個人去旅行嘅,鍾意人多,食嘢或者一齊玩都可以多啲人熱鬧啲。

楊怡楊怡

楊怡:佢係好抵錫

楊怡指謙謙為咗今次旅行一早做晒 research,仲要一人分飾多角,導遊、 搬運工人、司機等等,成個Trip都好開心:「老實講都覺得佢係好抵錫,係好貼心嘅人,佢喺去旅行方面係好優勝,佢攞住地圖就可以行去邊都得!」更大讚之前去謙謙陪佢希拉格工作時,搵定美食等佢放工:「似之前去布拉格,我去開工,佢就攞住地圖搵,就知可以去邊,夜晚又會搵定邊度食嘢好!

楊怡

老公獲網民激讚貼心

去旅行咁開心緊係會忍唔住分享快樂啦,楊怡日前就share咗一段謙謙陪佢玩水上滑梯嘅影片,其後老公獲網民激讚貼心又體貼,楊怡冧爆指:「網民又太誇張,不過佢都好貼心,會睇住我玩,其實佢好鍾意玩呢啲機動遊戲,水上活動嘅嘢,今次佢拉我去玩之前,自己係先試玩咗,覺得一啲都唔驚,先叫我去玩,而我玩完亦都係覺得唔驚,所以就拉埋阿媽同埋奶奶一齊玩!

    全站熱搜

    tvb4life 發表在 痞客邦 留言(0) 人氣()