楊千嬅狂隊酒慰勞戰友

贊助商連結

上月初完成個唱嘅楊千嬅,同老公丁子高去完大阪二人世界後,上周又聯同雙親及弟妹到新加坡「家庭遊」。不過,呢程就冇老公同囝囝份,佢話要留待農曆新年,先一家三口外遊喎。玩樂完畢嘅佢,隨住跟寰亞嘅經理人合約約滿,自己已計劃自立門戶;加上又就嚟農曆新年,為咗感激一班合作多年來嘅戰友,日前就不惜出錢又出力,喺灣仔一間私房菜擺番幾圍慰勞大家。

當晚約八點,一頭金毛嘅千嬅喺老公丁子高嘅陪同下到達;而向來好飲得嘅佢,因為唔鍾意飲啤酒,所以拎住支大支裝嘅法國香檳Moët & Chandon,相信想不醉無歸。佢兩公婆見到東姑,雖然有啲驚訝,但都好友善咁企定定畀東姑影相。雖然,千嬅呢排都係放假mood,幕前演出少咗,但都有份客串黃子華套賀歲片《棟篤特工》嘅MV,仲扮演交通警。呢個造型即刻令人諗起佢喺《新紮師妹》嘅扮相,都幾抵死o架!

 

贊助商連結

日前,楊千嬅請工作人員食慰勞宴,帶咗一大支香檳(箭嘴)到場劈酒,實行不醉無歸。

 

為咗玩得盡興,千嬅同丁子高當然包個大房啦!

 

當晚慰勞宴,千嬅跟成班同事大合照,席上仲有丁子高嘅好友鄭子邦。

 

重視家庭關係嘅千嬅,請晒成家人去新加坡玩,一家五口仲去當地嘅飛禽公園睇企鵝。

 

郭富城囡囡百日宴,送咗盒曲奇畀Torres,雖然Torres冇得跟千嬅去旅行,但有曲奇食補數。

 

上月千嬅嘅嫲嫲過身,享壽一百零一歲,佢帶埋囝囝出席喪禮。

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()