強勢出擊 陳家強

贊助商連結

香港有「美食天堂」之譽,林林總總的食店應有盡有,旗下已擁有八個飲食品牌的太興太子爺陳家強 (Tommy),還嫌不夠多瓣數。早年於英國回流香港後,再創立多條副線,幾年間成功打造他的飲食王國,現更是茶木、宮崎日式燒肉、漁牧、東京築地食堂及錦麗越南粉的掌舵人。

「我哋二代有福,(創業)舒服好多,但我哋有另一種壓力,做咩都畀人睇住,好似坐牢咁,驚成副身家都畀我哋敗晒,佢哋(第一代)輸咗就輸咗,我哋輸咗,就好似成世都輸咗咁,我唔鍾意呢種感覺,但無疑係一個動力,所以先有o依家嘅我!」

有動力,才有幹勁,陳家強躊躇滿志,繼續進擊。

他直言,難以到台灣開設飲食分店,「我有朋友喺台灣開餐廳,食物售價只係加咗四蚊台幣,即係一蚊港幣,都已經畀人鬧,最後仲要出嚟道歉,咁點做呀?」

 

半工讀賺錢

創業難,守業更難,八九年由父親陳永安一手創立的太興,由西灣河太安樓一間燒味快餐店,發展到今時今日龐大的飲食王國,陳家強可以說是功不可沒,但他卻不敢邀功。
「爸爸係豬肉佬出身,每日四、五點就起身,以前喺柴灣、鰂魚涌街市做。我九歲時佢就開咗間燒味店,工作好忙,日日做十幾個鐘,所以我細個唔係爸爸湊,係畀叔婆湊大,逢星期六、日就會去燒臘店幫手包雲吞、入筷子套,到中一先返屋企同爸爸住。」

贊助商連結

屋企有個老闆爸爸,雖然生意未上軌道,但陳家也算得上是小康之家。他十五歲便前往英國留學,但陳家強直言:「嗰時我哋仲未發跡,都要睇餸食飯。」他不但放棄修讀學士課程,轉為修讀較便宜的副學士,更要邊打工,邊讀書。

「讀degree(學士)要八、九千鎊一年,(屋企)無咁多錢,而讀副學士只需要四千鎊,加上我讀書又唔係叻,所以去咗Nottingham College讀副學士,起碼都叫有學歷。我十九歲一考到車牌,就去送外賣,三十五鎊底薪,一鎊一張單,星期五、六可以做到三十張單,加埋啲人畀嘅貼士,有時一晚可以賺到成千蚊港幣,真係幾好搵。

「除此之外,我又去過餐廳做收銀、煮嘢食、㩒(錫紙)外賣盒仔、幫手切洋蔥,真係切到喊,啲手都整損晒,好慘。後尾我半工讀,final year考咗入De Montfort University,主修會計同市場推廣。」

從小喜愛到處玩的他,兩歲時跟家人到海洋公園玩:「到咗讀書時期,我都係一個好outgoing嘅人,成日邀請朋友嚟我屋企玩。」

 

陳家強於英國讀書十年,笑言最難頂寄宿生活:「我喺Boarding school讀咗三年,頂唔順軍訓式嘅生活,所以逼住要參加好多校隊活動。」

 

今年他(右一)贊助由台星米非(左二)及小玉(右二)等人主演的電影《52Hz, I Love You》,並在香港舉行宣傳活動,太太(左一)亦有到場支持。

文章標籤

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()