蘇民峰提點陳嘉倩揀男友

贊助商連結


■蘇民峰贈言指陳嘉倩容易嫁到好老公。

陳嘉倩、蘇民峰及駱振偉前晚在柴灣錄影ViuTV旅遊資訊節目《嚮導玩》,一直多是非的嘉倩,被問到可有向蘇師傅請教時,蘇師傅說:「睇吓個男仔對身邊冇勢力嘅人好唔好,如果一個男人成日都甜言蜜語乜都得,話將來50年都對你好,將來嘅嘢邊有人知,呢啲都可以抹咗佢,中招機會就細啲,唔使好好,唔好衰就得喇!」
之前有指因形象差被港台飛出節目,嘉倩再解釋是自己主動提出,回復單身後暫無意拍拖,專心工作和學業。不過蘇師傅就贈言,指嘉倩後年會有重桃花:「我睇你九成都容易嫁到好老公,最慘係鼻樑扁,左眼望到右眼就抆水。」
採訪:卓寶花
攝影:林賓尼

贊助商連結

陳嘉倩鼻樑直9成嫁得好

前無綫新聞主播陳嘉倩早前被指介入無綫藝員朱婉禎及「凸肚男」陳志遠的關係,陷入小三風波,形象插水,更有指因此工作被Out。前晚嘉倩與堪輿學家蘇民峰,在柴灣錄影ViuTV旅遊資訊遊戲節目《嚮導玩》,她表示首次做Game騷主持,認為跟做新聞主播很大分別,要學臨場執生。講到嘉倩近期是非多多,問蘇民峰可有指點一下?他說:「有是非唔緊要,桃花有時運有時劫,一生人實遇到,希望劫之後係運。」嘉倩笑說:「承你貴言!」



陳嘉倩近期是非多多,認真慘慘豬。

唔心急拍拖

問到最近心情可有被負面新聞影響?嘉倩說:「都係忙呢個節目。(呢個節目係幾時接?)幾個月前。(有指你因為形象差被飛出電台節目!)唔知點解咁傳,係因為要忙呢個節目,嗰邊係我主動提出暫時完,佢哋歡迎我得閒返去幫手。」嘉倩又指不心急拍拖,現以工作和學業為先,蘇民峰即指可從相學角度了解女士能否嫁得好:「鼻樑夠直夠高夠長,大部分都可以嫁到好老公,嘉倩個鼻九成容易嫁到好老公,下轉桃花應該係2020年啦!」


聽到蘇民峰指點話易嫁到好老公,嘉倩勁開心!

文:影視組

    全站熱搜

    tvb4life 發表在 痞客邦 留言(0) 人氣()