下月榮升男主角娛樂增值
薛世恒孖內地女睇戲

贊助商連結


■讀者指薛世恒在女伴面前表現得甚有紳士風度。讀者提供圖片

【爆相爆片】陳法拉13年跟Neway大少薛世恒離婚後,到美國紐約修讀戲劇,並覓得曾任外交官的法籍男友司馬諾。不過薛世恒亦不愁寂寞,日前被本報讀者發現他孖女伴到圓方的戲院睇戲。


■薛世恒日前被本報讀者發現孖女伴到圓方戲院睇戲。讀者提供圖片

贊助商連結

■薛世恒去完洗手間後,在門外等候女伴等足十分鐘。讀者提供圖片


■身在內地的薛世恒透過經理人否認有新戀情,揚言對方是內地劇組工作人員。互聯網圖片

警覺性好高

去年棄商從演的薛世恒,簽約北京經理人公司主力在電影和電視發展,與陳法拉離婚後,感情看似未有着落的他,直至日前被讀者陳小姐透過本報「爆相爆片」報料,指日前在圓方商場發現薛世恒身邊有女伴。
陳小姐說:「嗰晚喺圓方嘅戲院見到大少(薛世恒)同一個女仔喺度買飛睇戲,女方警覺性好高,買飛嗰陣周圍望,個身又轉嚟轉去,直到大少買完飛之後,佢哋邊行邊笑咁去洗手間嗰邊,準備入戲院睇戲。」陳小姐指薛世恒全程甚有紳士風度,除彎低身聽女伴講說話,之後女伴去洗手間期間,他更在門口等候女伴近十分鐘,然後才一起走進戲院。

 

盡地主之誼

記者日前向薛世恒了解,身在內地的他透過經理人否認有新戀情,他說:「嗰個唔係女朋友,而係內地劇組一齊做嘢嘅工作人員,佢嚟到香港,就一盡地主之誼,唔會係有得發展嗰種。」問到薛世恒現時有否拍拖時,其經理人說:「冇時間呀,嚟緊3月會開拍一套香港電影,仲係男主角,第一次正式拍戲,好大挑戰,做好工作先諗拍拖。」
採訪:羅慧敏

    全站熱搜

    tvb4life 發表在 痞客邦 留言(0) 人氣()