居安思危 羅舜然

贊助商連結

想感染藝術氣息,不需要遠赴歐洲,「胸圍大王」羅傑倫女兒羅舜然(Denise)位於半山堅尼地道的二千五百呎豪宅,就猶如迷你版的美術館一樣。相比街外密密麻麻的狹小大樓,屋內簡直是世外桃源,擺放着來自世界各地的古董及畫作,每件「展品」都令人目不暇給。

「我揀屋要有三大要求,第一,一定要大;第二,要方便,唔可以住得遠;第三,要全新嘅歐陸裝修,好好彩,呢度仲要有埋景觀,我真係好愛自己間屋,成日都好想快啲返屋企!」

對心儀的藝術品不假外求,難怪她如此愛回家。

她於美國紐約訂造Restoration Hardware梳化、長餐枱及茶几,為客廳增添古舊氣息:「我就係鍾意佢好似整一半唔整一半咁,因為如果要match番屋企嘅style,喺香港係買唔到傢俬囉。」

 

Dior格局

贊助商連結

曾擔任七年知識產權律師的羅舜然,效力過奢侈品牌Harvey Nichols及Chanel,又當過名錶Richard Mille及Roger Dubuis的董事總經理,現為Christian Dior亞太區副總裁的她,極具生活品味,對於家居格局,準則如Dior一樣。

「我以前住開寶雲道,呢間屋用嚟放租,每個月收到嘅租金,我就用嚟買自己鍾意嘅心頭好。 點知有一日個租客突然話唔租,咁啱嗰排希臘破產,好難租到出去,與其空置間屋喺度,不如索性自己住喇!

「我就打算將佢重新裝修,嗰時我啱啱入咗Dior無耐,愛上咗佢嘅牆身設計,我直頭搵Dior個裝修師傅,幫我整到道牆同Dior嘅一模一樣。成間屋整咗十五個月,我喺兩年前搬入嚟住,就算之後我離開Dior,下一間屋都會整到咁,因為我真係好鍾意。」

今年年初,她於阿姆斯特丹購買多個Miffy擺設,平均約九十多歐元一個,最大的金色Miffy則價值約三千九百歐元。「今年二月傳出作者(荷蘭繪本大師 Dick Bruna)嘅死訊,嗰時我仲未買到最大嗰隻Miffy,但已經傾好晒價錢,以為店主會坐地起價,但歐洲人真係好好,佢竟然仲肯畀八折我。」

 

她笑言喜愛驚恐及畸形的畫作,但這幅畫連風水師都大呼不吉利:「我拍賣返嚟嗰時,唔覺得好驚,但個風水師話隻紅色生物張開個口係好唔吉利,而且睇到令人不安,但我暫時未搵到一幅畫代替佢。」

    文章標籤

    羅舜然

    全站熱搜

    tvb4life 發表在 痞客邦 留言(0) 人氣()