任達華開條件拍劇有得傾

贊助商連結

影帝任達華昨日拉隊殺入將軍澳電視城宣傳賀歲片,引起哄動!他直言想起40年前首次拍劇的感覺,已離開無綫29年的他考慮再拍劇,並點名讚胡定欣,但要求每日有10小時休息時間及高人工!



任達華期待同花旦合作拍劇,重溫大家庭感覺。

任達華、唐詩詠、方力申、王菀之、姜皓文、莊思明及麥子樂,昨日到將軍澳電視城宣傳英皇電影《我的情敵女婿》,在餐廳派揮春及魚蝦蟹,吸引大批TVB員工包圍及要求合照!任達華表示已很久沒去將軍澳電視城,今次再來勾起40年前首次拍劇的回憶,亦心郁郁想再拍劇:「好鍾意拍劇,四個月喺埋一齊,好似大家庭咁,好開心!(想再拍劇?)今年可以考慮。(咩題材?)最想演警察,多啲矛盾。(識唔識依家啲花旦?)佢哋好叻o架,有好多好演員。(依家識邊個新人?)胡定欣,幾好呀!(佢唔新喇!)我知!咁每年有新港姐、華姐,我唔介意帶新人,咁先可以令行業更好,華姐出身有好處,表現自然啲。」

教唐詩詠學曳

他表示目前未與TVB高層傾過想再拍劇的想法,若然成事,相信可以安排到時間。問到有甚麼條件?他說:「休息時間當然要夠,咁先夠活力,每日至少要10小時休息!(唔講錢?)都要求呀,我貴o架!以前拍劇賺唔番,希望賺到買到樓,講笑啫!感情最重要,仲有劇本,有時同新導演合作,我都只係拎封利是仔。」問到農曆新年會否出埠?他表示聖誕去了零下40度低溫的芬蘭,計劃新年與妻女去有40度高溫的熱帶地方。


點名讚胡定欣。

眾演員殺入電視城派揮春造勢,夠晒熱鬧!

方力申同詩詠埋身向食客宣傳新片。

唐詩詠表示難得影帝任達華再臨電視城,問到拍攝時有否請教前輩?她說:「佢叫我曳啲。(點曳法?)自己諗新嘢,唔使成日跟足劇本。」小方即指詩詠已榮升視后,有資格「曳」,詩詠說:「未得,我哋唔會成日改嘢,不過都係睇對手,之前同王浩信有加啲動態嘅嘢,但唔係改對白。」小方又指曾遇過某男女主角帶編劇到場,即場改劇本。詩詠透露片中飾演任達華助手,與姜皓文是一對:「角色正經啲,其實我都想搞吓笑,見佢哋玩得好開心。」


唐詩詠獲任達華提醒要「學曳」。

任達華捧起碟燒味飯,莫非好想食番啖?

姜皓文黐實財神,新一年肯定發財!
劉嘉玲出場有陣風

此外,王菀之透露片中有不少搞笑演出,要扮鬼、4歲小孩及賭神,最難忘是與影后劉嘉玲有對手戲:「佢飾演我後母,佢拍喜劇好叻,我有偷到師,同埋佢行出嚟係有陣風,有股氣場。佢好靚好專業,我對眼離唔開佢!」今次已是第3年拍賀歲片的她,覺得賀歲片是香港人傳統,很開心能參與其中散播歡樂。她又表示與導演葉念琛合作膳食很好:「好多蛋糕同掃街小食。(肥咗?)都冇乜差別。」

文:影視組

贊助商連結

任達華想返電視圈


■華哥笑說新年想去熱帶地方,與家人曬太陽。

任達華、方力申、王菀之、唐詩詠及姜皓文等昨日到將軍澳電視城宣傳電影《我的情敵女婿》,穿上紅色西裝現身的華哥說:「好耐冇返TVB,我自己都係拍劇出身,其實我好鍾意拍劇,因為有個大家庭嘅感覺,有機會都希望可以重返電視圈,乜角色都OK,最想演警察。」華哥早前舉家到芬蘭過聖誕節,他笑言農曆新年只想去熱帶地方:「唔喺香港過喇!太凍,會同屋企人去一個有四十幾度嘅地方曬太陽。」


■方力申(左一)與唐詩詠(左二)齊齊大派揮春宣傳新戲。

該片選在情人節當晚舉行首映禮,但方力申覺得單身最難過是聖誕節,因為時間太長。提到前緋聞女友鍾欣潼最近宣佈和台灣「醫界王陽明」賴弘國訂婚,小方說:「所有喜事都值得恭喜。」
撰文:葉晴

    全站熱搜

    tvb4life 發表在 痞客邦 留言(1) 人氣()