陳瀅玉手任摸

贊助商連結

近日,喺無綫新劇《平安谷之詭谷傳說》有破格演出嘅陳瀅,既扮鬼仲要被火燒,搞到粉臉又紅又黑,認真慘情!不過,佢日前就回復靚靚樣出席美容產品分享會,仲即席攞部新出嘅潔面機喺手背作示範,繼而任由場內嘅嘉賓任摸佢對玉手,測試效果。東姑都有份摸,果然又白又滑。

事後,陳瀅大方同東姑分享佢嘅美肌心得,「我一定要瞓足八個鐘,又要日飲八杯水,食得均衡;仲有搭飛機時,我會先敷面膜,繼而一定要搽防曬。因為好多人忽略咗飛機喺高空,係好接近太陽,其實紫外光係好強o架。」態度親切嘅佢,同東姑傾完偈後,又畀啲嘉賓捉住集郵;而佢亦都好識做,影完先至走人。

 

贊助商連結

因近日《平安谷》嘅口碑不俗,陳瀅話出街都好多人叫佢嘅角色名「青蘭」。

 

佢仲攞自己對玉手作示範,仲畀嘉賓任摸,而場內嘅反應亦都十分踴躍。

 

由活動場地影到門口,佢仲唔介意幫人揸機selfie。

 

喺《平安谷》中,佢要瞓棺材,又要引火自焚,「做咁多角色最辛苦呢次,拍攝場地一帶都係墓地,我跌入嗰個係真嘅木棺,又要喺泥窿入面爬,真係驚!」

    全站熱搜

    tvb4life 發表在 痞客邦 留言(0) 人氣()