【狗年到】LEGO賀年狗造型可愛 限換購冇得買

贊助商連結


LEGO在前三年開始就推出了農歷新年的限量賀年套裝,到今年當然也有推出民限量的「40235樂高賀年狗」。

狗是人類最忠心的朋友,所以硬係覺得狗年的相關產品總是特別多,也特別受歡迎。而原來LEGO在前三年開始就推出了農歷新年的限量賀年套裝,到今年當然也不例外。今次的「40235樂高賀年狗」雖然細細盒,但狗仔造型醒目可愛,絕對人見人愛,儲開新年系列的更當然唔可以錯過。

不過呢,想要呢盒限量版賀年狗,就當然要付出一下,要喺指定樂高官方認可零售平台購買LEGO盒裝產品滿$800或以上,先會送俾你,唔可以單獨購買,當然亦係送完即止,手快有手慢冇。除了賀年狗,LEGO亦唔少得推出狗年利是封,同樣以限量賀年狗做主角,但就買滿$250就有,萬一換唔到賀年狗,都仲可以有利是封補飛。


由即日起至2月28日喺指定樂高官方認可零售平台購買LEGO盒裝產品滿$800或以上,先會送俾你。


LEGO亦唔少得推出狗年利是封,同樣以限量賀年狗做主角,但就買滿$250就有,萬一換唔到賀年狗,都仲可以有利是封補飛。

另外,品牌亦跟新城市廣場合作,推出另外三套Mini-builds,當中包括有財神、燈籠、涼亭及三隻不同造型的可愛mini小小狗。呢三套Mini-builds相對「賀年狗」就比較易換,只要參觀《新城市廣場 x LEGO新春遊樂園》再在LEGO Certified Store、玩具“反”斗城及一田百貨購買任何樂高盒裝產品都可即送一款,不過三套就分三個星期送,要換齊,就要三個星期都去參觀兼買LEGO先得喇。


品牌亦跟新城市廣場合作,推出另外三套Mini-builds,當中包括有財神、燈籠、涼亭及三隻不同造型的可愛mini小小狗。


Mini-builds中的燈籠雖然細細隻,但相當精巧。

另外再提多你一樣,就係《新城市廣場 x LEGO新春遊樂園》同「賀年狗」及利是封的優惠係同時進行,即係你參觀完,再買夠$800,就會送齊「賀年狗」同Mini-builds套裝,絕對係迫你買嘢,fans們都係乖乖俾錢吧喇。

記者:韓繼聰

    全站熱搜

    tvb4life 發表在 痞客邦 留言(0) 人氣()