惠英紅阿嬌玩壽包胸前偉大

贊助商連結

昨日是影后惠英紅58歲生日,前晚英皇老闆楊受成為她搞生日派對,剛巧鍾欣潼(阿嬌)在農曆生日宣布訂婚喜訊,變成一齊慶祝。切蛋糕期間,紅姐與阿嬌兩人攞住兩個大壽包,扮胸前偉大,玩埋身旁的溫碧霞,令現場笑聲不絕。



惠英紅(中)與阿嬌(右)貪玩,攞住壽包係咁玩,扮晒胸前偉大,連溫碧霞都玩埋一份!

紅姐近年事業運旺,但感情未有着落,剛訂婚幸福滿瀉的阿嬌都為紅姐打氣:「你好快o架啦!」紅姐亦說:「緣分嘅嘢估唔到,或者快過你,我時間唔多,一日搞掂。」

讚未婚夫靚仔過王陽明

阿嬌講到未婚夫賴弘國包容她,連她的缺點都照單全收,並不諱言自己懶。至於對方有甚麼缺點?她說自己唔鍾意男仔唔剃鬚,不過未婚夫都好體貼,每次見她時都剃晒鬚,在旁的紅姐忍唔住笑:「又唔係太監,係血氣方剛先至有鬚嘛!」引得哄堂大笑!之後阿嬌終於想出「答案」:「佢唔識生仔囉,最好佢幫我生埋。」隨即被取笑連生仔都懶,她說:「懶到我咁都有人要,佢真係幾難得o架!」之後她透露:「佢(賴弘國)唔鍾意人哋叫佢做『醫界王陽明』,佢係佢,不過我覺得我未婚夫靚仔啲囉!」阿嬌出席生日會後,急急腳上車返回香閨同未婚夫Sweet Sweet。


楊受成送上大利是給兩位壽星惠英紅及阿嬌。

阿嬌出席完生日會,急急坐車回家。 

文:音樂組

攝:追蹤組

贊助商連結

阿嬌被惠英紅催生仔


■楊受成向準人妻阿嬌(左)及壽星惠英紅派利是。

影后惠英紅前晚在灣仔開生日P,準人妻鍾欣潼(阿嬌)現身,老闆楊受成向兩人派大利是。答應賴弘國求婚的阿嬌說:「佢唔鍾意話佢『醫界王陽明』,佢係佢,王陽明係王陽明,我覺得未婚夫靚仔啲。」問到婚禮詳情?她說:「未plan,唔係今日求婚聽日結。」身邊紅姐心急講笑:「今個月求婚,下個月結,再下個月生埋仔。」
要阿嬌數未婚夫缺點,她說:「我唔鍾意人唔剃鬚,佢喺我面前會剃。佢缺點唔識生仔,唔會大肚。懶到我咁都有人要,真係幾咁難得。」待嫁的阿嬌心郁郁與姊妹蔡卓妍(阿Sa)合體搞婚禮:「大家嚟飲,做兩份人情,我哋賺晒啲錢。」紅姐生日願望想找到一個伴侶,阿嬌即催促她快點,紅姐搞笑說:「或者我快過你,我時間唔多,一日搞掂。」此外,阿Sa日前接受單手掌上壓挑戰籌款活動,更tag了林峯接力玩。
採訪、攝影:陳杰、皓騫


■阿Sa單手做掌上壓籌款。互聯網圖片

    全站熱搜

    tvb4life 發表在 痞客邦 留言(0) 人氣()