夢之家 邱子傑夫婦

贊助商連結

你有自己的dream house藍圖嗎?溥儀眼鏡老闆邱子傑(Jeffrey)和太太邱李茂琪(Margaret)就已打造好自己的「夢屋」。十年前他們搬入位於南區面積約四千多呎的兩層複式單位,為了創造屬於二人的天地,他們花了三個月時間裝修,以歐式設計為主,再配襯一屋歐陸風味的家具和擺設,以及牆上一幅幅出自Margaret手筆的油畫,有如走進私人畫廊,藝術味甚濃。Margaret稱:「其實我喺香港讀完小學後,就去咗歐洲生活,所以我特別喜愛歐洲嘅家居設計同擺設。」有夢,人才有動力。踏入羊年,Margaret與丈夫在dream house中,繼續追夢。

邱子傑和太太李茂琪結婚十八年,恩愛如昔,家中每件陳設更是二人愛的結晶。「其實我哋十年前已經住喺我哋嘅夢想之家,所以我哋一直都無諗過搬,因為每個角落都充滿回憶。」

配合節目

贊助商連結

來到Margaret和Jeffrey位於南區面積約四千多呎的兩層複式連花園的安樂窩,未入屋已感受到濃濃的新年氣氛。Margaret早已為大門前的兩個人像擺設布置好,「佢哋叫Queen and King,係會配合唔同節日而有唔同嘅打扮。o依家新年,我就特別為佢哋戴上中式嘅頭飾,仲手持全盒。

「其實我自己唔係太喜歡中式嘅擺設,因為我覺得間屋唔襯。唯獨茶壺同可以增添新年氣氛嘅新年布置,我先會接受。而且我好鍾意布置家居,希望每個來臨嘅親朋好友,可以感受到嗰份節日嘅喜悅。」

為了保養全屋,每年暑假Margaret都必定找裝修師傅替全屋髹油。客廳擺放的英式下午茶車,除了是家內其中一個裝飾外,擺放於車上的朱古力,亦可讓人客品嘗。「啲朱古力係真嘅,每日都換,可以隨便食o架!」

大門一開,就猶如置身於歐洲畫廊一樣,全屋有不少歐洲柚木家具,牆上掛滿一幅幅出自Margaret手筆的畫作。「你有冇留意全屋好多木?其實我同Jeffrey一向對風水都冇研究,不過好多朋友都同我哋講,點唔理唔信都好,買屋一定要睇一次。所以我哋買屋嘅時候,就請咗個風水師嚟睇睇,佢同我哋講,木係對我哋兩個都好,好彩我本身都好鍾意木製嘅傢俬同擺設,如果唔係我都唔知點算!」

大門外的Queen and King,是Margaret多年前在跑馬地購買,並會因應不同的節日,作不同的打扮。

這個兩米高天使銅像,是夫婦二人同時看中,Margaret曾擔心放不入屋,「我哋都好鍾意,不過就擔心擺唔到,點知個店員話:『可以搬來你家看看啱唔啱位先』,咁好服務,當然要買啦!」

    文章標籤

    夢之家 邱子傑夫婦

    全站熱搜

    tvb4life 發表在 痞客邦 留言(0) 人氣()