Volkswagen Golf 230 TSI Team慳家上車盤

贊助商連結

喺香港生活乜都貴,養車皮費也不是小數目,假如車是閣下的必需品,要安全實用、預算又唔多,車價不用$19萬、百公里油耗低至5公升的Volkswagen Golf 230 TSI Team,有冇得諗先?再者,標準配置已包括8喇叭音響、9安全氣袋及防二次意外碰撞預煞系統(MKB)等,咁嘅價位,仲可以喺邊度搵?



Volkswagen Golf 230 TSI Team
售價:$189,980

200Nm扭力起步爽快

市場上$20萬樓下嘅新車已唔多,Golf可賣到呢個價位,即使刪減了部分豪華設備仍然相當吸引,若只求代步,實在難有抗拒的理由。全新Golf Team的設備較Golf Match精簡,少了霧燈及天窗,車價平$1.5萬,動力配置卻完全相同,搭載的1.4公升四缸渦輪增壓引擎不僅節能,扭力輸出比不少同級Hatchback都來得充沛,起動力相當爽。官方數據指,Golf 230 TSI Team的扭力達到200Nm/1,400~4,000rpm,結合標配的七前速DSG波箱,由靜止加速至100km/h只需9.1秒。10秒內破百的性能,好多1.5公升車都比不上。


車廂布局沒半點廉價車感覺,軚盤及波棍頭都用上皮革包裹。

後排設有獨立送風口,照顧到乘坐需要。

Golf的軸距為2,620mm,後排乘坐空間不錯。

翻低後座椅背,可擴充行李艙載物空間。

側鏡設有電動調校,並整合了指揮燈。

引擎扭力輸出充沛,起步十分爽。

原廠配上15吋輪圈,輪胎尺碼為195/65 R15。
標配15吋胎軨恰到好處

近年好多新車都配大軨,十六、七吋已好基本。不過,輪胎太薄又未必一定好,除會影響舒適性外,日後更換大尺寸輪胎的使費亦相對較高,對於主打經濟實用的汽車而言,實在沒這樣的必要。筆者認為,Golf 230 TSI Team標配的15吋軨(輪胎:195/65 R15)其實恰到好處,一般人都不會開這類車去瘋狂劈彎,時速也不會去到百幾二百公里,胎肚肥一啲沒相干,行車時又冇咁戥,何樂而不為?要快、又要好玩?有GTI及Golf R畀你揀吖!Golf Team話雖是入門版,標配的雙離合器波箱仍附設加減波功能,推拉波棍便可進行升或降檔,又有電子泊車手掣及「Auto Hold」功能,無論是駕駛樂趣、便利及安全性都兼顧得到。

NCAP測試獲五星評級

贊助商連結

車廂設備就比較基本,但前後泊車感應、藍牙及6.5吋Composition Colour觸控屏仍全數落齊,又有SD卡槽、8喇叭音響,以十零萬車嚟講都算係咁。安全設備上,Golf Team已預載9個安全氣袋(包括雙前座、駕駛座膝部及全車雙側氣簾)、電子穩定控制(ESC)、胎壓監測及防二次意外碰撞預煞系統(MKB)等,萬一不幸遇上撞擊意外,MKB更可因應實際需要自動為汽車進行制動,預防駕駛者因受傷或驚慌過度,而未能作出適當反應導致多次撞擊。早前,Golf在歐洲NCAP的撞擊測試中更獲得最高的五星評級,安全性備受肯定。


車身前後都裝有泊車感應,與阻礙物距離唔使估估吓。

電子泊車手掣及「Auto Hold」屬標準配置,進一步提升駕駛安全及便利性。

放大圖片
規格表

車型:四門五座位揭背車

引擎:四缸TSI

容積:1,395c.c.

最大馬力:125ps/5,000~6,000rpm

最大扭力:200Nm/1,400~4,000rpm

傳動:七前速DSG自動波

驅動:前置引擎、前輪驅動

0~100km/h:9.1秒

車身體積:4,258×1,790×1,492mm(長×闊×高)

車展現場睇!

日期:2月3~4日(星期六及日)

時間:11:00am~8:00pm

地點:將軍澳新都城中心二期1樓天幕廣場

撰文:鄭浩文

攝影:蔡浩文

查詢電話:3698 9588(Volkswagen HK)

    文章標籤

    Volkswagen Golf 230 TSI Team

    全站熱搜

    tvb4life 發表在 痞客邦 留言(0) 人氣()