劉佩玥自誇深得伯母歡心

贊助商連結

緋聞情侶劉佩玥與周志文「拍拖」出席賀年活動,兩人以情侶裝示人,還不避嫌擺出心心甫士放閃。「電燈膽」胡鴻鈞亦識趣彈開,相當搞笑!



劉佩玥睇嚟輕鬆過咗周志文媽咪嗰關!

藝人劉佩玥、周志文與胡鴻鈞昨日在上水廣場出席賀年活動,緋聞情侶劉佩玥與周志文不避嫌合體,更穿上情侶裝做出心心手勢,羨煞旁人!被冷落的胡鴻鈞頓變「電燈膽」,識趣地匿在一旁,十分搞笑。

情人節分開過

劉佩玥與周志文被問到首次情侶檔出席活動,他們強調只是一齊出騷,並非情侶檔,劉佩玥就指酬勞是開心價。講到情人節,劉佩玥與周志文皆稱會各自與家人度過,問到可會趁機見家長?周志文承認劉佩玥見過他媽媽。問到伯母可喜歡劉佩玥?劉佩玥即搶答:「我同志文、志康都好熟,成日一齊做嘢一齊玩,我諗冇乜Auntie唔鍾意我,我幾得人鍾意o架!」兩人都否認拍拖,堅稱是好朋友,但周志文表示不排除有發展可能:「冇嘢係冇可能,我哋係好合拍嘅好朋友。」

胡鴻鈞:感情好穩定

而「電燈膽」胡鴻鈞則尷尬笑說:「佢哋襯過衫,某啲位我都閃開,希望我唔會太光!(佢哋係咪拍拖?)咁又唔係,做嘢上有啲效果畀大家啫。」講到他與許廷鏗曾傳過緋聞,問到新年會否見家長?他笑說:「比賽時已經互相見過家長,我哋成日見家長,感情好穩定,哈哈!(幾時帶個真嘅出嚟?)有先再公布,可能最尾都係許廷鏗,哈哈!(屋企人催拍拖?)冇,佢哋叫我注意身體,各方面都唔好咁操勞。」


有周志文(左)同胡鴻鈞傍住,劉佩玥使乜咁驚青?

胡鴻鈞有感自己做咗「電燈膽」,不時自動彈開。

文:影視組

贊助商連結

劉佩玥、周志文認好合拍

劉佩玥(Moon)同周志文(右)噚日以情侶檔到上水出席活動,但係Moon同周志文就話佢哋只係好朋友。問到兩人有冇發展機會?佢哋都係話:「冇嘢係冇可能,我哋係好合拍嘅好朋友,希望多啲工作機會。」而變咗「電燈膽」嘅胡鴻鈞就話自己有啲尷尬:「佢哋兩個連衫都襯過,我惟有識做行開少少。」至於感情生活,佢話有新戀情會同大家講,然後又笑住話:「但可能最後都係同許廷鏗。」
撰文:馮仁昭

    全站熱搜

    tvb4life 發表在 痞客邦 留言(0) 人氣()